स्वर्गीय रामदास आंबटकर यांनी कार्यकर्त्याला ‘माणूस’ म्हणून घडविले” : दत्ता भांगे  

पुलगाव :- एका कार्यकर्त्याला ‘माणूस’ म्हणून घडवणे, व्यक्ती म्हणून सक्षम करणे आणि समाजसेवेसाठी समर्पित करणे – हे ब्रीदवाक्य जगणारे व्यक्तिमत्त्व म्हणजे स्व. डॉ. रामदास आंबटकर होते,प्रत्येक कार्यकर्त्याचा पिंड ओळखून त्याचे गुणसंवर्धन आणि दोषांचे नकळत निरसन करून अनेक समर्पित, ध्येयवादी कार्यकर्त्यांची शृंखला त्यांनी निर्माण केली. डॉ. आंबटकर कार्यकर्त्यांचा कणा होते, सोबती होते, बंधू होते असे अभिनव विचार मंचचे शिलेदार दत्ता दत्ता भांगे म्हणाले ते अभिनव विचार मंच तर्फे दिवंगत डॉ. रामदास आंबटकर यांच्या प्रथम स्मृतिदिनानिमित्त आयोजित कार्यक्रमात विचार व्यक्त केले. याप्रसंगी मंचावर अभिनव विचार मंचचे अध्यक्ष नितीन सुकळकर , सचिव ओमप्रकाश मुडे उपस्थित होते. पुढे बोलताना दत्ता भांगे म्हणाले “केवळ व्यक्तिमत्त्व घडवणे एवढ्यावरच ते थांबले नाहीत, तर एका सामान्य कार्यकर्त्याला आमदार बनवण्यापर्यंत, मंत्रिपदापर्यंत पोहोचवण्यात त्यांचा सिंहाचा वाटा होता, आमदार पद मिळाल्यावरही ते शेवटपर्यंत सामान्य कार्यकर्त्यांच्या कुटुंबाशी जोडलेले राहिले. नितीन गडकरींसारखे मोठे नेते असोत वा तळागाळातला कार्यकर्ता असो – प्रत्येकाशी त्यांचे जिव्हाळ्याचे संबंध होते. ‘शिक्षणातून समाज घडेल’ या विचाराने ते झपाटलेले होते. वडनेर सारख्या गावातून आलेल्या डॉ. आंबटकर यांनी अभाविपमध्ये अनेक वर्षे पूर्णवेळ कार्यकर्ता म्हणून काम करत असतानाच डॉक्टर असूनही स्वतःचा दवाखाना न थाटता त्यांनी संपूर्ण आयुष्य विद्यार्थी चळवळ व भाजपच्या संघटनात्मक कार्याला अर्पण केले. पूर्व विदर्भाचे संघटन मंत्री व नंतर भारतीय जनता पार्टीचे प्रदेश सरचिटणीस म्हणून त्यांनी मोलाची कामगिरी बजावली. अनेक वर्षे ‘अभाविप’मध्ये पूर्णवेळ संघटन मंत्री आणि पालक या नात्याने त्यांनी अमूल्य योगदान दिले. नागपूर विद्यापीठात सिनेट सदस्य, व्यवस्थापन समितीचे अध्यक्ष आणि पुढे विधान परिषदेचे आमदार म्हणूनही त्यांनी अनेक जबाबदाऱ्या समर्थपणे निभावल्या, असे दत्ता भांगे यांनी त्यांच्या कार्याला उजाळा दिला.. कार्यक्रमाचे सुत्रसंचालन ओमप्रकाश मुडे यानी केले तर प्रास्ताविक नितीन सुकळकर यानी केले. कार्यक्रमाला अभिनव विचार मंच चे चंद्रशेखर रेवतकर, विकास नागरकर , अरुण नौकरकर, शरद वाघमारे विजय हटवार, विश्वास कातोरे ,उमेश नेवारे ,मांडवकर सर ,किरण गेहरवार, राजेंद्र मोघे, युवराज आडे रेणुदास नागतोडे , सारंग चरडे, मनोज ठाकरे , प्रमोद बोरकर , मनीष झाडे ,महेंद्र पर्वत, काळे साहेब, आशिष बोबडे ,प्रशांत चौधरी , निलेश बिडकर , शेखर दाते ,श्रीकांत डोळसकर , सचिन कापकर ,किशोर उकेकर ,चौखे सर आदी उपस्थित होते