गडचिरोली : अहेरी तालुक्यातील कपेवंचा येथे लसीकरणानंतर दोन महिन्यांच्या बाळाचा दुर्दैवी मृत्यू झाल्याची घटना घडली. या घटनेची वैद्यकीय व प्रशासकीय पातळीवर सखोल आणि निष्पक्ष चौकशी करून सत्य समोर आणावे, अशी मागणी शिवसेना (उद्धव बाळासाहेब ठाकरे) पक्षाने केली आहे.
घटनेची माहिती मिळताच जिल्हाप्रमुख दिलीप सुरपाम, जिल्हा समन्वयक मिंटू सय्यद यांच्यासह शिवसैनिकांनी कपेवंचा येथे जाऊन मृत बाळाच्या कुटुंबीयांची भेट घेतली. यावेळी कुटुंबीयांचे सांत्वन करून घटनेची माहिती जाणून घेतली.
लसीकरणानंतर मृत्यू झाल्याने या प्रकरणाची सखोल चौकशी करून हलगर्जीपणा किंवा दोष आढळल्यास संबंधितांवर कारवाई करावी, अशी मागणी करण्यात आली. तसेच पीडित कुटुंबाला न्याय मिळवून देण्यासाठी शिवसेना त्यांच्या पाठीशी ठामपणे उभी राहील, अशी ग्वाही दिलीप सुरपाम यांनी दिली.
