शिरूर पोलिसांच्या धडाकेबाज कारवाईत गांजा विक्री करणारा आरोपी जेरबंद

शिरूर पोलिसांच्या धडाकेबाज कारवाईत गांजा विक्री करणारा आरोपी जेरबंद
शिरूर प्रतिनिधी – रमेश बनसोडे
शिरूर पोलिस स्टेशनच्या हद्दीत गांजाची विक्री करणाऱ्या आरोपीला अटक करण्यात पोलिसांनी यश मिळवले आहे. पोलिस अमलदार श्री. अंबादास शिंदे यांना गोपनीय माहिती मिळाली की, इसम हजरतअली शेख (वय 30, रा. जांबूत, ता. शिरूर, जि. पुणे) हा आपल्या घरात गांजा बाळगून विक्री करत आहे.
दि. 11/03/2025 रोजी वरिष्ठ पोलिस अधिकाऱ्यांच्या मार्गदर्शनाखाली शिरूर पोलिसांनी तत्काळ कारवाई केली. पोलिस निरीक्षक श्री. प्रशांत ढोले यांच्या नेतृत्वाखालील पथकाने आरोपीच्या घरावर छापा टाकला.
या कारवाईत पोलिसांनी 3 किलो 460 ग्रॅम वजनाचा गांजा जप्त केला, ज्याची बाजारातील किंमत अंदाजे 38,480 रुपये आहे.
या प्रकरणी शिरूर पोलिस ठाण्यात गुन्हा क्रमांक 161/2025, भारतीय दंड संहितेच्या कलम 8 (क), 20 (ब) अन्वये गुन्हा दाखल करण्यात आला आहे.
पोलिसांची चमकदार कामगिरी:
ही कारवाई पुणे ग्रामीण पोलिस अधीक्षक श्री. तांदळकर देशमुख (भा.पो.से.), अपर पोलिस अधीक्षक श्री. रमेश चोपडे, उपविभागीय पोलिस अधिकारी श्री. सचिन कांदळे यांच्या मार्गदर्शनाखाली पोलिस निरीक्षक श्री. प्रशांत ढोले, सहाय्यक पोलिस निरीक्षक श्री. दिपक कांदळे व त्यांच्या सहकाऱ्यांनी केली.
शिरूर पोलिसांच्या या तडाखेबाज कारवाईमुळे परिसरातील अवैध ड्रग्ज विक्रेत्यांमध्ये दहशतीचे वातावरण निर्माण झाले आहे. स्थानिक नागरिकांनी पोलिसांच्या कामगिरीचे कौतुक केले आहे.