अहेरी : भारताचे लोहपुरुष सरदार वल्लभभाई पटेल यांच्या १५१ व्या जयंतीनिमित्त आणि राष्ट्रीय एकता दिवसाचे औचित्य साधून ३७ व्या वाहिनी सीआरपीएफच्या वतीने अहेरी येथे ‘रन फॉर युनिटी’ अर्थात एकता दौडीचे उत्साहात आयोजन करण्यात आले.
३७ व्या वाहिनी सीआरपीएफ मुख्यालय, अहेरी येथून हिरवी झेंडी दाखवून या एकता दौडीला सुरुवात करण्यात आली. यावेळी द्वितीय कमान अधिकारी श्रीमन नारायण पाठक, उपकमांडंट चंचल परवाना, उपकमांडंट अनिल चंद्रमोर तसेच मुख्य वैद्यकीय अधिकारी डॉ. वरुण मिश्रा यांची प्रमुख उपस्थिती होती.
या दौडीत सीआरपीएफचे अधिकारी व जवान, विविध शाळांमधील विद्यार्थी-विद्यार्थिनी तसेच स्थानिक नागरिकांनी उत्स्फूर्त सहभाग नोंदविला. देशाची एकता, अखंडता आणि राष्ट्रीय सुरक्षेप्रती बांधिलकी जपण्याचा संदेश यावेळी देण्यात आला.
दौडीच्या समारोपानंतर सर्व सहभागी नागरिकांनी सामूहिकरीत्या राष्ट्रीय एकता दिवसाची शपथ घेतली. तसेच राष्ट्राची एकता, अखंडता आणि सुरक्षितता कायम राखण्यासाठी कटिबद्ध राहण्याचा निर्धार व्यक्त केला.
