अहिल्यानगर :अहिल्यानगर जिल्हातील देवळाली प्रवरा येथे सालाबादप्रमाणे श्री. दत्त मंदिराच्या प्रांगणात श्री. गुरुचरित्र पारायण सोहळा रविवार ८ ते रविवार ते १५ डिसेंबर २०२४ या कालावधीत आयोजित करण्यात आला आहे. पारायणानंतर विविध महाराजांचे प्रवचन आयोजित केले आहे. गुरुवर्य ह.भ.प रघुनाथ महाराज उंबरेकर आणि ब्रह्मलीन ह.भ.प श्रीहरी महाराज भालेकर यांच्या कृपा आशिर्वादाने व ह.भ.प बाळकृष्ण महाराज खांदे, ह.भ.प. रोहिदास महाराज सांगळे व भास्करराव तांबे यांच्या नेतृत्वाखाली हा सोहळा आयोजित करण्यात आला आहे.
दैनंदिन कार्यक्रमात सकाळ व दुपारची आरती, प्रवचन, खिचडी प्रसाद वाटप, भजन आदी धार्मिक कार्यक्रमांचे आयोजन करण्यात आले आहे. दररोज ११ वाजता होणाऱ्या प्रवचन सेवेत रविवार ८ डिसेंबर रोजी ह.भ.प सुभाष महाराज विधाटे, सोमवार ९ डिसेंबर रोजी ह.भ.प रोहिदास महाराज सांगळे, मंगळवार १० डिसेंबर रोजी ह.भ.प नामदेव महाराज जाधव, बुधवार ११ डिसेंबर रोजी ह.भ.प बाबा महाराज मोरे, गुरुवार १२ डिसेंबर रोजी ह.भ.प. दुर्गाप्रसाद महाराज तिडके, शुक्रवार १३ डिसेंबर रोजी बाबासाहेब महाराज वाळूज, शनिवार १४ डिसेंबर रोजी ह.भ.प बाबानंद महाराज वीर आदींचे प्रवचने होणार आहे. दैनंदिन होणाऱ्या धार्मिक कार्यक्रमासाठी हरीष वाळुंज, बाळासाहेब मोरे, सुनिल होले, वैशाली राजेंद्र कदम, संभाजी पुंड, संदिप कदम, संदिप इस, बाळासाहेब मुसमाडे, बोर्डे, त्र्यंबकराज स्वामी दिंडी व्यवस्थापन मंडळ, मच्छींद्र पठारे, प्रकाश शिंदे, प्रसाद कोळेकर, फ्रान्सिस संसारे, विलास लक्ष्मण वाळुंज, सुभाष कुलट, सतिष वाळुंज, शशिकांत साळुंके, सतिष वाळुंज, रविंद्र ताजणे, कविता भालेकर, बोर्डे, तुळजापूर पायी दिंडी व्यवस्थापन मंडळ आदींनी पारायणास बसलेल्या भाविकांना प्रसाद, चहा- पान व्यवस्था करण्यात आली आहे.
शनिवार दि.१४ डिसेंबर रोजी दुपारी १२ वाजता माजी आमदार चंद्रशेखर कदम व प्रियतमा कदम यांच्या हस्ते महाआरती संपन्न होणार आहे. तसेच रविवार दि. १५ डिसेंबर रोजी सकाळी ९ वाजता ह.भ.प भागवत महाराज उंबरेकर यांचे काल्याचे किर्तन व महाप्रसादाचा कार्यक्रम होणार आहे. शहरातील नागरीकांनी धार्मिक कार्यक्रमाचा लाभ घ्यावा असे आवाहन ज्ञानेश्वर भालेकर, अनिल भालेकर, गणेश भालेकर आदींनी केले आहे.
