चंद्रपूर :- चंद्रपूर-वणी-आर्णी लोकसभा मतदार संघातील भाजपा, शिवसेना, राष्ट्रवादी काँग्रेस, रिपाई (आठवले गट), पीपल्स रिपब्लिकन पार्टी (कवाडे गट), रासप मित्रपक्ष महायुतीचे अधिकृत उमेदवार ना. सुधीर मुनगंटीवार यांच्या विकास कामावर प्रभावित होऊन विविध संघटनाचा पाठींबा , समर्थन वाढत असून त्‍यांच्‍यावर विश्‍वास ठेवत भारतीय जनता पक्षात प्रवेश करीत आहेत.सर्वांगीण विकासाचा वसा घेतलेले ना. मुनगंटीवार यांच्या विक्रमी विजयाचा निर्धार करत सोमवार, 15 एप्रिल रोजी कॉंग्रेस कम‍िटीचे पोंभुर्णा तालुका अध्‍यक्ष व बाजार सम‍ितीचे सभापती रविंद्र मरपल्‍लीवार यांनी त्‍यांच्‍या सहका-यांसह भाजपात प्रवेश केला.
यावेळी बाजार समितीच्‍या संचालक भारती बदन, सुनंदा गोहणे व श्‍यामसुंदर बदन यांच्‍यास अनेक कार्यकर्त्यांनी भाजपात प्रवेश केला . ना. सुधीर मुनगंटीवार यांनी भाजपाचा दुपट्टा देऊन सर्वांचे स्‍वागत केले व त्‍यांचा विश्‍वास खरा ठरवण्‍यासाठी दिवसरात्र झटेन, असे आश्‍वासन दिले. यावेळी मोठ्या संख्‍येने भाजपाचे पदाधिकारी व कार्यकर्ते उपस्‍थ‍ित होते.
ना. मुनगंटीवार यांच्‍यावर विश्‍वास – रविंद्र मरपल्‍लीवार
पंतप्रधान नरेंद्र मोदी आणि ना. सुधीर मुनगंटीवार यांचा विकासाचा वेग पाहून मी आज भारतीय जनता पक्षामध्‍ये प्रवेश केला आहे. विकासासाठी आम्‍ही ना. मुनगंटीवार यांच्‍यासोबत असून त्‍यांच्‍या नेतृत्‍वात चंद्रपूर-वणी-आर्णी लोकसभा क्षेत्राचा विकास होईल, असा विश्‍वास आहे, असे मत रविंद्र मरपल्‍लीवार यांनी व्यक्त केले.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
