नागपूर :- नागपूर येथे शासकिय दौ-यावर आले असता पर्यावरण व पर्यटन मंत्रीमा. आदित्य ठाकरे यांनी अजनी वनाची पाहाणी केली .पर्यावरणाचा विकास होणे गरजेचे आहे व नागपूर शहराचा देखील विकास होणे गरजेचे आहे .पण शहराचा विकास करतांना पर्यावरणाचा नाश होवू नये म्हणून आयएमएस प्रोजेक्ट साठी पर्यायी जागेचा विचार व्हावा असे प्रतिपादन त्यांनी केले. त्यामुळे पर्यावरण प्रेमींना आनंददायक दिलासा मिळाला असुन पर्यावरण संघटना तसेच नागपूरातील सामान्य जनतेने पर्यावरण व पर्यटन मंत्री आदित्य ठाकरे यांचे आभार मानले
नागपूर अजनी वन येथील जंगल वाचवण्यासाठी पर्यावरणवादी संघटना अनेक वर्षापासून अजनी वन वाचवण्यासाठी संघर्ष करीत होते. या मध्ये नागपूरातील सामान्य नागरिक व तरुणांचा मोठ्या प्रमाणात सहभाग होता. आयएमएस प्रोजेक्ट अजनी वन येथे उभारणी साठी नागपूर महानगरपालिका उद्यान विभागा मार्फत हजारो झाडांची कत्तल केली गेली याचा मोठ्या प्रमाणात पर्यावरण प्रेमी व सामान्य नागरिका कडून विरोध करण्यात आला. या आंदोलनात अजनी वन वाचवण्यासाठी पर्यावरण प्रेमी व संघटने सोबत शिवसेना प्रवक्ता व पुर्व विदर्भ महिला संपर्क प्रमुख प्रा. शिल्पा बोडखे या देखील अजनी वन बचाओ आंदोलनात सक्रीय झाल्या. या विषया संबंधी निवेदन बनवुन पर्यावरण व पर्यटन मंत्री आदित्य ठाकरे यांची मुंबई येथे भेट घेऊन अजनी वन वाचवण्यासाठी निवेदन दिले. तसेच त्याचा सातत्याने पाठपुरावा केला.याची दखल घेऊन पर्यावरण प्रेमी असलेले आदित्य ठाकरे यानी मुंबई येथे झालेल्या पावसाळी अधिवेशनात राज्यात हेरिटेज ट्री कायदा अमलात आणला व तत्काळ अजनी वन येथील झाडे कटाईला पायबंद लावला. तसेच आज नागपूर येथे शासकिय दौ-यावर आले असता पर्यावरण व पर्यटन मंत्री आदित्य ठाकरे यांनी अजनी वनाची पाहाणी केली व पर्यावरणाचा विकास होणे गरजेचे आहे व नागपूर शहराचा देखील विकास होणे गरजेचे आहे पण शहराचा विकास करतांना पर्यावरणाचा नाश होवू नये म्हणून आयएमएस प्रोजेक्ट साठी पर्यायी जागेचा विचार व्हावा असे प्रतिपादन केले त्यामुळे पर्यावरण प्रेमींना आनंददायक दिलासा मिळाला असुन पर्यावरण संघटना तसेच नागपूरातील सामान्य जनतेने पर्यावरण व पर्यटन मंत्री आदित्य ठाकरे यांचे आभार मानले. तसेच शिवसेना प्रवक्ता प्रा. शिल्पा बोडखे यांनी पर्यावरण मंत्र्याकडे अजनी वना बाबत सतत पाठपुरावा करून पर्यावरण प्रेमीच्या बाजुने उभे राहुन त्यांना साथ दिल्याबद्दल त्यांचे देखील आभार मानले.