वरोरा :- इनरव्हील क्लब वरोराचा पदग्रहण सोहळा पी.डी.सी वर्षा कोतपल्लीवार यांच्या प्रमुख उपस्थितीत ईशान प्लाझा आंबेडकर चौक येथे मोठ्या थाटात संपन्न झाला.इनरव्हील क्लब वरोराच्या मावळत्या अध्यक्षा मधू जाजू यांच्याकडून नूतन अध्यक्षा निलिमा गुंडावार यांनी पदभार स्वीकारला. तसेच नवीन कार्यकारणी मध्ये उपाध्यक्ष म्हणून जैनल सिद्दीकोट, सचिव म्हणून डॉ.साक्षी उपलेंचवार , ट्रेझरर म्हणून दीपाली टिपले , आय .स.ओ म्हणून अर्वा अली , सी.सी म्हणून कविता बाहेती यांनी पदभार स्वीकारला.
या पदग्रहण सोहळ्यात अतिवृष्टीमुळे नुकसान झालेल्या महिलांना फूड पॅकेट्स देऊन मदत करण्यात आली . या कार्यक्रमाला रोटरी क्लब वरोराचे नूतन सचिव अदनान सिद्दीकोट, रोटेरियन विशाल जाजू, किशोर टिपले, राजीव गुंडावार, आनंद गुंडावार यांची प्रमुख उपस्थिती होती. या कार्यक्रमाचे सूत्रसंचालन स्नेहा जवदंड व सुचेता पदमावार यांनी केले तर आभारप्रदर्शन कविता बाहेती यांनी केले , या कार्यक्रमाच्या यशस्वितेकरिता वंदना बोढे, अपेक्षा पामपट्टीवार, वैशाली पदमावार , अनु डोंगरवार , मानसी चिकनकर, प्रणाली देरकर, प्रतिभा मणियार , आभा सायरे, संध्या बारई , कल्पना कथडे, पूजा मुंधडा, पूजा बोगावार, पूनम जैस्वाल . किरण जाखोटिया , व क्लबच्या इतर सदस्या यांनी अथक परिश्रम घेतले .
