मुंबई : महाराष्ट्रातील मत्स व बंदरे खात्याचे कॅबिनेट मंत्री नितेश राणे यांनी एबीपी न्यूजला मुलाखत दिलीये. सध्या उन्हाळा आलाय. तुम्ही रुह अफजा पिता की गुलाब शरबत? असा प्रश्न विचारण्यात आला होता. या प्रश्नाच उत्तर देताना नितेश राणे म्हणाले आहेत की, मी गोमूत्र फार पितो. मी तुम्हाला सांगतो ते आरोग्यासाठी फार चांगलं असतं.
नितेश राणे म्हणाले की, गुलाब आणि रुह अफजा मला कोण देत? याच्यावर बरचं काही डिपेंड आहे. मी रुह अफजा वगैरे पित नाही. रुह अफजा देणारा माणूस कोण त्यावर ते अवलंबून आहे. रुह अफजा मला कोणीही चांगल्या भावनेने पाजणार नाही. तुम्ही विचार करा रुह अफजा नितेश राणेला कोण देईल तो फार गोड असतो मला आवडत देखील नाही.
बोलताना नितेश राणे म्हणाले, आम्ही 39 वर्षे बाळासाहेब ठाकरे यांच्यासोबत होतो. आमच्यावर आरोप केला जातो की, आम्ही पक्ष बदलत राहतो. उद्धवजींनी आमच्यासोबत वाईट राजकारण केलं नसतं तर आम्ही गर्वाने सांगितलं असतं की, आम्ही शिवसैनिक आहोत. माझ्या वडिलांनी हिंदूत्वासाठी जे केलंय ते मी पॉडकास्टमध्ये बोलू शकत नाही. आमचं रक्त भगवं आहे, कारण आम्ही बाळासाहेब ठाकरेंच्या छत्रछायेत वाढलोय आणि हिंदूत्व फॉलो करत आलो आहोत. आम्ही 12 वर्ष काँग्रेसमध्ये काढले कारण आमच्याकडे कोणताही पर्याय नव्हता. काँग्रेसमध्ये असताना आमचं रक्त भगवंच होतं. आता भाजपमध्ये आल्यानंतर मी अभिमानाने सांगू शकतो की, आमचं रक्त भगवं आहे.
