तर्डोबाचीवाडी शाळेचा जिल्हास्तरीय आदर्श शाळा पुरस्काराने गौरव
शिरूर प्रतिनिधी – अल्लाउद्दीन अलवी
बाभुळसर बुद्रुक: तर्डोबाचीवाडी येथील स्थानिक जिल्हा परिषद प्राथमिक शाळेने शैक्षणिक क्षेत्रात उत्कृष्ट कामगिरी करत जिल्हास्तरीय आदर्श शाळा पुरस्कार पटकावला आहे. संत गाडगेबाबा गोरक्षण सेवा संस्था, पुणे यांच्या वतीने आयोजित पुरस्कार वितरण सोहळ्यात शाळेला हा मानाचा पुरस्कार प्रदान करण्यात आला.
या समारंभाचे प्रास्ताविक शाळेच्या मुख्याध्यापिका श्रीम. फुलसौंदर संगीता मॅडम यांनी केले. त्यांनी शाळेने केलेल्या उल्लेखनीय प्रगतीचा आढावा घेतला. लोकसहभागातून आय.टी. कंपनीच्या मदतीने उभारलेली नवीन इमारत, कैलास सत्यार्थ फाऊंडेशनकडून मिळालेले ई-लर्निंग साहित्य, कल्याणी कंपनीची स्मार्ट टीव्ही सुविधा, आकर्षक वर्गखोल्या, विद्यार्थ्यांसाठी शुद्ध पाण्याची सोय आणि विद्यार्थ्यांमधील उत्तम शिस्त व शैक्षणिक गुणवत्ता यांसारख्या महत्त्वपूर्ण बाबींची दखल घेत शाळेची या पुरस्कारासाठी निवड झाली.
श्रीम. फुलसौंदर संगीता तुळशीदास यांच्या हस्ते संस्थेचे अध्यक्ष मा. श्री मोहनराव शेलार आणि उपाध्यक्ष मा. श्री महेश दळवी यांनी शाळेला शाल, श्रीफळ आणि प्रमाणपत्र देऊन गौरवले. याप्रसंगी उपशिक्षिका श्रीम. वैशाली शेंडगे आणि श्रीम. जयश्री चंदन उपस्थित होत्या.
या सोहळ्यात विविध क्षेत्रातील उल्लेखनीय कार्य करणाऱ्या इतर मान्यवरांनाही आदर्श पुरस्कारांनी सन्मानित करण्यात आले. यात आदर्श कीर्तनकार सुरेश महाराज फराटे, आदर्श डॉक्टर भानूदास फराटे, आदर्श शेतकरी विजय चव्हाण, आदर्श शिक्षक संदिप रासकर, आदर्श शिक्षिका श्रीम. मेहेर मनिषा आणि आदर्श वाहनचालक नाना कदम यांचा समावेश होता.
कार्यक्रमाला शिरूर नगरीचे नगरसेवक मा. नितीनदादा पाचर्णे, आदर्श सरपंच जगदीशदादा पाचर्णे, प्रगतशील शेतकरी जयराम फराटे, माजी सरपंच वर्षाताई काळे, ह.भ.प. गोपीनाथ महाराज पोटावळे, कृषी बाजार समिती संचालक महेंद्र पाचर्णे, उपसरपंच लक्ष्मण कर्डिले यांच्यासह अनेक मान्यवरांनी आपले विचार व्यक्त केले.
या कार्यक्रमाला मेजर पाटीलबा पाचर्णे, अमोल देवकाते, शाळा व्यवस्थापन समितीचे सदस्य गणेश दादा सटाले, नवनाथ पाचर्णे, विवेकदादा पाडळे, माणिक गावडे, सतीश पवार, उज्ज्वलाताई पाचर्णे, सोनालीताई पाचर्णे, सविता देवकाते, पूजा पाचपुते, कांतीलाल कर्डिले, मिठूशेट गदादे, रेवणनाथ इंगळे, मनिषा देवकाते आणि कैलास सत्यार्थ फाऊंडेशनच्या ललिता पोळ व सागर दांडगे यांची प्रमुख उपस्थिती होती.
कार्यक्रमाचे उत्कृष्ट सूत्रसंचालन संदिप रासकर यांनी केले, तर आभार प्रदर्शन शिवशाहीर जालिंदर कुरंदळे यांनी केले. या पुरस्कार सोहळ्यामुळे परिसरात सकारात्मक वातावरण निर्माण झाले असून, समाजात चांगल्या कामांची दखल घेतली जाते याचा अनुभव आला, असे मत नगरसेवक नितीनदादा पाचर्णे यांनी व्यक्त केले. संस्थेचे अध्यक्ष मोहनराव शेलार यांच्या मार्गदर्शनाखालील हे उपक्रम निश्चितच प्रेरणादायी असल्याचे त्यांनी सांगितले.
तर्डोबाचीवाडी शाळेला मिळालेला हा सन्मान भविष्यातील शैक्षणिक कार्यासाठी निश्चितच प्रेरणास्रोत ठरेल यात शंका नाही.
