ज्ञानदीप ग्रंथालयने उभारली ‘पुस्तकांची गुढी’
पाटस प्रतिनिधी- योगेश राऊत
मराठी भाषेला काही महिन्यांपूर्वी अभिजात भाषेचा दर्जा मिळाला याच उत्साहात दरवर्षी प्रमाणे यंदाही ज्ञानदीप ग्रंथालय चे हर्षद बंदीष्टी यांच्या संकल्पनेतून पुस्तक गुढी उभारून आनंदमय वातावरणात यंदाचा गुढी पाडवा साजरा करण्यात आला,
राज्यभरात गुढीपाडवा मोठ्या उत्साहात साजरा केला जातो. मराठी बांधव एकमेकांना मराठी नववर्षाच्या शुभेच्छा देतात.घरासमोर उभारलेल्या गुढी परिसराची शोभा वाढवत असतात.
पाटस तालुका दौंड येथील ज्ञानदीप ग्रंथालय ने सदर गुढी पाडवा पारंपरिक गुढी उभी करण्याबरोबरच एक वेगळा विचार डोळ्यासमोर ठेवत पुस्तकांची गुढी उभारून एक नवा आदर्श समाजासमोर ठेवला आहे.त्यांच्या या विचाराचे सगळीकडून कौतुक होत आहे.
घरासमोर गुढी उभारुन सर्वजण आपली संस्कृती-परंपरा जपतात.त्यासोबतच पुस्तकांची गुढी उभारुन आपली अभिजात मराठी भाषा मनामनात रुजली पाहिजे तसेच वाचन संस्कृती वृद्धिंगत व्हावी हा या “पुस्तकांची गुढी” संकल्पनेमागचा हेतू आहे.ज्ञानदिप ग्रंथालय कडून नेहमीच वाचन कार्याला प्रोत्साहन मिळत असते.
गरजू विद्यार्थ्यांना पाठ्यपुस्तक संच व इतर शैक्षणिक साहित्य दान करणे,अनेक शिक्षण संस्थांच्या ग्रंथालयांना स्पर्धा परीक्षा संदर्भातील पुस्तके दान करणे तसेच ऐन उन्हाळ्यात वन्य प्राण्यांसाठी वन परिसरातील कृत्रिम पाणवठ्यात पाणी सोडणे अशी उपयुक्त अभियाने ग्रंथालयाकडून राबविली जातात,
दरम्यान पुस्तकांची गुढी उभारन्यामागे एक सामाजीक संदेश देण्याचा प्रयत्न या माध्यमातून ज्ञानदीप ग्रंथालय कडून देण्यात आला आहे.
याप्रसंगी ज्ञानदीप ग्रंथालयचे विश्वस्त हर्षद बंदीष्टी,प्रमोद ढमाले,विठ्ठल वाळुंजकर तसेच सामाजिक कार्यकर्ते अशोक नागरगोजे,गणेश सूळ उपस्थित होते.
