पुलगाव : प्रतिनिधी
पुलगाव शहरातील काटन मिल मॉल परिसरात खवल्या मांजराची विक्री करण्याच्या प्रयत्नात असलेल्या ६ आरोपींना वर्धा वनविभागाच्या पथकाने रंगेहाथ पकडले. या खवल्या मांजराची विक्री तब्बल २ कोटी रुपयांना होणार असल्याची माहिती समोर आली आहे.
आज दिनांक २७ फेब्रुवारी २०२५ रोजी सायंकाळी ५.३० वाजता वर्धा वनविभागाच्या पथकाला गोपनीय माहिती मिळाली की, अमरावतीवरून काही इसम खवल्या मांजर घेऊन पुलगाव येथे येणार आहेत. त्यानंतर वनविभागाच्या पथकाने उपविभागीय अधिकारी राहुल चव्हाण यांच्याशी संपर्क साधून पोलिसांची मदत मागितली.
आरोपींनी लोकेशन बदलून पथकाला चकवा देण्याचा प्रयत्न केला, मात्र पुलगाव काटन मिल मॉल परिसरात सापळा रचून कारसह आरोपींना पकडण्यात आले.
पकडण्यात आलेले आरोपी:
दोन आरोपी पारधी बेडा आगरगाव येथील
दोन आरोपी अमरावती येथील
पुलगाव सरदारपुरा येथील गुरुवचन सिंग
एक कार चालक
कारवाईत सहभागी अधिकारी:
उपविभागीय अधिकारी राहुल चव्हाण
ए.एस.आय. दिपक जाधव
ए.एस.आय. सुभाष गावड
संदीप बोरबन
अन्य कर्मचारी
सदर आरोपींना पुढील तपासासाठी वर्धा वनविभागाच्या ताब्यात देण्यात आले आहे. वन्यजीव संरक्षण अधिनियम १९७२ अंतर्गत गुन्हा दाखल करण्यात आला असून, पुढील तपास सुरू आहे.
