चंद्रपूर पोलीस ॲक्शन मोडवर…!

देशी कट्ट्यासह ७ जिवंत काडतूस जप्त, आरोपी अटकेत

चंद्रपूर (आशिष घुमे ) : जिल्ह्यात वाढत्या गुन्हेगारीचा कल बघता पोलीस यंत्रणा ॲक्शन मोडवर आली आहे. जिल्ह्यात सुरू असलेले अवैध व्यवसाय व त्यातून घडणारे गुन्हे रोखण्याकरीता अवैधरित्या हत्यार बाळगणाऱ्याची माहिती काढून त्यांच्या मुसक्या आवळल्या जात आहे. अशातच बल्लारपूर येथील एका इसमाकडून देशी कट्ट्यासह ७ जिवंत काडतूस जप्त करून गुन्हा दाखल करण्यात आला . रोहीत शिवप्रसाद निषाद, वय २४ वर्ष, आरोपीचे नाव असून तो भगतसिंग वार्ड, बल्लारपूर ता. जि. चंद्रपुर येथिल रहिवाशी आहे .

चंद्रपुर जिल्ह्यामध्ये होत असलेल्या अवैध धंदे, अवैध हत्यार बाळगणाऱ्या इसमांची माहिती काढून त्यावर कार्यवाही करण्याचे आदेश चंद्रपूरचे पोलीस अधिक्षक, मुमक्का सुदर्शन अपर पोलीस अधिक्षक रिना जनबंधु यांनी दिले होते. त्याअनुषंगाने स्थानिक गुन्हे शाखेचे पोलीस निरीक्षक महेश काँडावार यांचे नेतृत्वात स्थानिक गुन्हे शाखेचे पथक अवैध रित्या हत्यार बाळगणाऱ्यांवर माहिती काढून त्यावर कार्यवाही करण्याची मोहीम राबवित होते. सदर मोहिमेदरम्यान पथकाला गोपनिय माहिती मिळाली की, मौजा बल्लारपूर येथील भगतसिंग वार्डामधील डब्लुसिएल ग्राउंडवर एक इसम आपले कमरेला गावठी देशी कट्टा लावून उभा आहे. सदर माहितीवरून पोउपनि. भुरले त्यांच्या टिमसह तात्काळ रवाना होवून सदर इसमास ताब्यात घेवून त्याची तपासणी केली असता, सदर इसमाच्या कमरेला लागून असलेला एक देशी कट्टा तसेच त्याच्या पैटच्या खिशात देशी कट्यात वापरण्यात येणारे ०७ भग जीवंत काडतूस व एक नग खाली केस मिळून आले. सदर इसमाविरूद्ध पोस्टे बल्लारपूर येथे अवैधरित्या शस्त्र बाळगणेबाबत गुन्हा नोंद केला असून सदर इसमास पुढिल तपासकामी पोस्टे बल्लारपूर यांच्या ताब्यात देण्यात आले.
सदरची कामगिरी पोलीस अधिक्षक, चंद्रपुर, अपर पोलीस अधिक्षक, चंद्रपुर यांचे मार्गदर्शनात स्थानिक गुन्हे शाखेचे पोलीस निरीक्षक महेश कोंडावार यांचे नेतृत्वात पोउपनि. विनोद भुरले, पोहवा. दिपक डॉगरे, पोहवर, सतिश अवथरे, नापोकों. संतोष येलपुलवार, पोकॉ. गोपाल आतफुलवार, पोकॉ. नितीन रायपुरे, पोकों. गोपीनाथ नरोटे, अमोल सावे, गणेश भोयर यांनी केली आहे.