वी दा सावरकरांच्या जीवनपैलूंवर शरद पोंक्षे यांचे व्याख्यान

मुल प्रतिनिधी
गोंडवाना विद्यापीठ, गडचिरोली अंतर्गत वि. दा. सावरकर अध्यासन केंद्रातर्फे प्रसिद्ध अभिनेते, लेखक व व्याख्याते शरद पोंक्षे यांच्या व्याख्यानाचे आयोजन करण्यात आले आहे.
शुक्रवार, दिनांक १४ ऑगस्ट २०२६ रोजी सायंकाळी ६.३० वाजता चंद्रपूर येथील प्रियदर्शिनी सभागृहात हे व्याख्यान आयोजित करण्यात आले आहे. यावेळी शरद पोंक्षे हे स्वातंत्र्यवीर विनायक दामोदर सावरकर यांच्या विविध जीवनपैलूंवर आपल्या ओघवत्या शैलीत मार्गदर्शन करणार आहेत.
सावरकरांचे राष्ट्रकार्य, साहित्यिक योगदान, सामाजिक विचार, क्रांतिकारी जीवन तसेच त्यांच्या व्यक्तिमत्त्वातील विविध पैलू जाणून घेण्याची ही एक महत्त्वपूर्ण संधी आहे.
या कार्यक्रमास जास्तीत जास्त नागरिकांनी मोठ्या संख्येने उपस्थित राहून शरद पोंक्षे यांच्या व्याख्यानाचा लाभ घ्यावा, असे आवाहन वि. दा. सावरकर अध्यासन समितीच्या सदस्य प्रा. डॉ. सौ. किरण कापगते-बोरकर यांनी केले आहे.