तळोधी (बा ): प्रतिनिधी.
रात्रीच्या सुमारास घरातील सर्व सदस्य गाढ झोपेत असताना घराच्या मागील दरवाज्याची कडी काढून ३२ हजार रुपये किमतीचे दागिने लंपास केल्याची घटना दि.१० जून रोजी रात्रौ अंदाजन दिढ वाजताच्या सुमारास नागभीड तालुक्यातील सावरगाव येथे घडली.चोरी झालेल्या घरमालकाचे नाव अनिल योगेश्वर ठिकरे (वय ४३)असे आहे.
तळोधी बा.पोलीस स्टेशन अंतर्गत येत असलेल्या सावरगाव येथील चोरी प्रकरणात फिर्यादीने दाखल केलेल्या तोंडी तक्रारीनुसार अनिल योगेश्वर ठीकरे यांच्या घरातली सर्व सदस्य रात्रीचे जेवण आटोपून गाढ झोपी गेले होते. दरम्यान रात्रीचा फायदा घेऊन अज्ञात चोरट्यांनी घराच्या मागील दरवाज्याची कडी काढून घराच्या आत प्रवेश केला.आणि कपाट खोलून अडीच ग्रॅम सोन्याची नथ,दीढ ग्रॅम वजनाचा सोन्याचा डोरल,एक ग्रॅम वजनाची सोन्याची जिवती, एक ग्रॅम वजनाचे कानातील सोन्याचे रिंग व नगदी २ हजार पाचशे रुपये असा एकूण ३२ हजार रुपये किमतीचे दागिने व रोख अज्ञात चोरांनी लंपास केली. अज्ञात चोरट्यांविरुद्ध तळोधी पोलिसांनी गुन्हा दाखल केला असून अधिक तपास सहाय्यक पोलीस निरीक्षक अजितसिंग देवरे यांच्या मार्गदर्शनाखाली पोलीस उपनिरीक्षक किशोर मानकर व सहकारी करीत आहेत.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
