गडचिरोली:छत्तीसगड राज्यातून महाराष्ट्रात दाखल झालेल्या रानटी हत्ती आता दक्षिण गडचिरोलीत देखील धुमाकूळ घालत आहे.धानोरा तालुक्यातून चव्हेला येथून घोट,पेडिगुडम आणि चौडमपल्ली वनपरिक्षेत्रातून तेलंगाणा राज्यात प्रवेश केलेल्या नर हत्तीने तेलंगाणा राज्यात एका शेतकऱ्याला तुडवून ठार केल्याची घटना बुधवार (३ एप्रिल) रोजी दुपारच्या सुमारास घडली. अल्लूरी शंकर रा.बुरेपल्ली ता.चिंतलमानेपल्ली जि. कुमरमभीम (असिफाबाद) असे मृतक शेतकऱ्याचे नाव आहे.
मागील काही वर्षांपासून ओडिशा, छत्तीसगड राज्यातून रानटी हत्तीच्या कळपाने गडचिरोलीच्या उत्तर भागात प्रवेश करत अक्षरशः धुमाकूळ घालत आहेत.यात अनेक घरांचे नुकसान तर झालेच पण जीवितहानी देखील झाली आहे.नुकतेच एका रानटी नर हत्तीने छत्तीसगड राज्यातून धानोरा तालुक्यातील चव्हेला येथून चामोर्शी तालुक्यात प्रवेश करत ,मुलचेरा तालुक्यातील विविध गावांतून तेलंगाणा राज्यात प्रवेश केला आहे.मागील दोन दिवसांपासून या रानटी हत्तीचा पाठलाग सुरू असून आरआरटी सोबतच मार्कंडा, पेडिगुडम,चौडमपल्ली आणि अहेरी वनपरिक्षेत्र अधिकारी आणि कर्मचारी वॉच ठेवले आहेत.
सदर रानटी हत्ती घोट वनपरिक्षेत्रातून पेडिगुडम,अहेरी आणि चौडमपल्ली वनपरिक्षेत्रातील विविध जंगल परिसरातून चपराळा अभयारण्यातील ठाकरी उपक्षेत्रातील नागुलवाही बिट मधून प्राणहिता नदी ओलांडून तेलंगाणा राज्यात प्रवेश केला.मुलचेरा तालुक्यातील नागुलवाही घाटावरून तेलंगाणा राज्यातील बुरेपल्ली हे गाव केवळ दोन किलोमीटर अंतरावर आहे.सदर शेतकरी हा आपल्या शेतात काम करीत असताना हत्तीने त्याला तुडविले.ही घटना तेलंगाणा राज्यातील कर्जेली वनपरिक्षेत्रात घडली आहे.सकाळपासून आलापल्ली वन विभागातील विविध वनपरिक्षेत्र अधिकारी त्यांच्या संपर्कात असून देखील त्यांनी दुर्लक्ष केले अशी माहिती समोर येत आहे.
तेलंगाणा राज्यात हत्तीला पाहिजे तसा जंगल आणि पोषक वातावरण नसल्याने हत्ती परत येणार म्हणून मुलचेरा तालुक्यातील नागुलवाही घाटावर ड्रोन कॅमेराने वन विभागाने लक्ष केंद्रित केले आहे.या घाटावर चपराळा अभयारण्याचे वनपरिक्षेत्र अधिकारी गणेश लांडगे, मार्कंडाचे वनपरिक्षेत्र अधिकारी भारती राऊत,पेडिगुडम वनपरिक्षेत्र अधिकारी भावना अलोने,अहेरी वनपरिक्षेत्र अधिकारी आरती मडावी तसेच क्षेत्र सहाय्यक आणि वनरक्षक नजर ठेवून आहेत.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
