गोंडपिपरी :-(सुरज माडूरवार)
तेलंगणासिमेवरील आदिवासीबहूल उद्योगविरहीत तालुका अशी गोंडपिपरी तालुक्याची ओळख राहिली आहे.या तालुक्यात रोजगाराच्या संधी नाहीत.मुख्य व्यवसाय असलेल्या शेतीचा हंगाम आटोपला की तालुक्यातील मंडळी उदरनिर्वाहासाठी परप्रांतात धाव घेतात.तालुक्यात बेरोजगारांची संख्या दिवसांगणिक वाढतेय.अश्यातच शेजारच्या गडचिरोली जिल्ह्यातील सुरजागड आणि कोंसरी प्रकल्प रोजगारासाठी आशेचा किरण ठरेल असा विश्वास नागरिकांना होता मात्र तोच प्रकल्प आता सर्व सामान्य नागरिकांच्या जीवावर उठला आहे.लोहखनिज घेऊन जाणाऱ्या हायवा अपघातात अनेकांना जीव गमवावा लागत असल्याने आता संताप व्यक्त केल्या जात आहे.
दि.(१६) गुरुवारी रात्री ३ वाजता दरम्यान चंद्रपूर कडून येणाऱ्या भरधाव हायवाने उभ्या असणाऱ्या दोन चारचाकी वाहने व स्कुटीला धडक देत वाहने चेंदामेंदा केल्याची संतापजनक घटना घडली.
चंद्रपूर कडून येणाऱ्या MH-40-CM-8318 हायवाने मुख्य मार्गावर घर असलेल्या विकी ताडूरवार यांच्या मालकीच्या MH 34AM 0519 कार,MH 34AH 8716 स्कुटिला व मनोज बट्टे यांच्या मालकीच्या MH 34CD 2478 कारला जोरदार धडक दिली.धडक रात्री असल्याने सुदैवाने जीवितहानी झाली नाही.दिवसा मोठ्या प्रमाणात त्या ठिकाणी टायर वर्क्स दुकान असल्याने नागरिकांची गर्दी असते .घटना रात्री घडल्याने मोठा अनर्थ टळला मात्र लाखोंची नुकसान झाली.चार दिवसांपूर्वी कोठारी मार्गावर हायवा दुचाकीच्या धडकेत गोडपिंपरी तालुक्यातील दोन युवकांना जीव गमवावा लागला होता. सुरजागड येथून होणारी वाहतूक मार्गावरील नागरिकांसाठी जीवघेणी ठरत आहे. अपघातात अनेकांचा जीव जाऊन कुटुंब उध्वस्त होत आहे. यावर शासनाने प्रतिबंध करणे अत्यावश्यक आहे आहे.
बॉक्स –
पावसाने वाचवला अनीलचा जीव…..
ज्या ठिकाणी हायवाने वाहनांना उडविले.त्याच्या बाजूला अनिल कुळमेथे याचे घर आहे.
उन्हाळ्याचे दिवस असल्याने अनिल त्या ठिकाणी झोपलेला होता मात्र पावसाला सुरुवात झाल्याने तो घरी गेला.आणि काही क्षणातच हा अपघात घडला त्यामुळे पावसाने अनिलचा जीव वाचवला तो सुखरूप आहे.
बॉक्स –
गोंडपिपरी ते चंद्रपूर मार्गावर वाहने विरुद्ध दिशेने येताना मोठ्या प्रमाणात अपघात होत आहे. रस्ता अरुंद असल्याने हायवा रस्त्याखाली उतरून देखील त्या ठिकाणी अपघात होत आहे .त्यामुळे रस्त्याच्या दुतर्फा मुरुमाचे काम करावे व गोडपिंपरी शहरातून वाहने नेत असताना. वेग मर्यादा पाळावी. सूरजागड वाहतूक जीवघेणी ठरत आहे. आतापर्यंत अपघातात ज्यांनी जीव गमावला त्यांच्या कुटुंबीयांना १० लाखाची मदत करावी.या मागणीसह अन्य मागण्या घेऊन लवकरच तीव्र आंदोलन करणार.
– सारिका मडावी ,उपनगराध्यक्ष नगरपंचायत गोंडपिपरी
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
