तळोधी (बा ):प्रतिनिधी.
नागभिड तालुक्यातील सावरगाव- वाढोणा मार्गावरुन वाढोणा येथील मुलीकडे स्कुटिने जात असलेल्या महिलेचा हार्वेस्टरच्या जोरदार धडकेत जागीच मृत्यू झाल्याची घटना शुक्रवार दि.१७ मे रोजी १.२५ वाजता सावरगाव येथील अजय बोरकर यांच्या घरासमोर घडली. मृतक महिलेचे नाव कुसुम अरुण उकुंडे (वय 50 वर्ष) रा.नेरी ता.चिमूर असे असून हार्वेस्टर चालकाचे नाव तेजराज बोरकर रा.भेंडाळा ता . सिंदेवाही असे आहे.
सद्यस्थितीत सावरगाव परीसरात शेतकरी हार्वेस्टरने धान कापणी,मळणी करित आहेत.दरम्यान सावरगाव वरुन वाढोणाकडे हार्वेस्टर मशीन वाहन धारक तेजराज बोरकर हा जात असताना मागूनच स्कूटीधारक राजेश ईश्वर बावणे रा.दिघोरी,नागपुर (एम. एच.३१ सी.एक्स.८८७१) स्कुटीने ओव्हरटेक करून वाढोणाकडेच मृतक महीला कुसुम अरुण उकुंडे रा.नेरी ता.चिमूर यांना स्कुटिवर बसवून जात होता.हि महीला वाढोणा येथील मुलीची प्रकृती ठीक नसल्याने तिला बघायला जात असल्याची माहिती मिळाली.दरम्यान सावरगाव – वाढोणा मार्गावरील सावरगाव येथील अजय बोरकर यांच्या घराजवळ हार्वेस्टर या वाहनाच्या जोरदार धडकेत ती जागीच ठार झाली. अपघात झाल्याचे कळताच हार्वेस्टर चालक पळून गेल्याची माहिती मिळाली.अधिक तपास तळोधी पोलीस स्टेशनचे ठाणेदार अजितसिंग देवरे यांच्या मार्गदर्शनात उप पो.नि.चंद्रकांत लांबट व विजय वाकडे करीत आहे.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
