नागपूर (आशिष गोंडाणे) : नागपूरच्या सहआयुक्त अश्वती दोरजे यांनी १२ ते १८ वयोगटातील शालेय मुलींच्या सुरक्षिततेसाठी जनजागृती मोहीम सुरू केली आहे. त्या अनुशांगाने आज हिंगणा एम आय डी सी पोलीस स्टेशन हद्दीतील दोन शाळांमध्ये विद्यार्थिनींना मार्गदर्शनपर कार्यक्रम पार पडला त्या वेळी विद्यार्थ्यांना मार्गदर्शन करतांना पोलीस स्टेशनचे एसएचओ उमेश बेसरकर यांनी मनोगत व्यक्त केले
हिंगणा एमआयडीसी पोलीस स्टेशनचे पोलीस निरीक्षक उमेश बेसरकर यांच्या प्रमुख उपस्थितीत. शांती निकेतन शाळा, राजीवनगर व जिल्हा परिषद हिस्कुळ निलडोह येथे या उपक्रमाद्वारे शालेय विद्यार्थिनींसोबत होणाऱ्या अनुचित प्रकाराला तोंड देण्यासाठी मार्गदर्शनपर कार्यक्रमाचे आयोजन करण्यात आले होते. कायद्याची सविस्तर माहिती व स्वरक्षण कसे करावे या बाबत मार्गदर्शन करण्यात आले . सध्याचे युग हे डिजिटल युग आहे मोबाईलचा वापर केला पाहिजे पण मोबाईलचा अतिवापर ही टाळून अभ्यासावर अधिक लक्ष केंद्रित करून उज्वल भविष्याकडे वाटचाल करावी तसेच मुलींनी अनोळखी व्यक्तींसोबत सोशल मिडीयावर मैत्री टाळावी असे मत एसएचओ उमेश बेसकर यांनी व्यक्त केले . या कार्यक्रमादरम्यान महिला पोलीस उपनिरीक्षक यांनी ही विद्यार्थींना मार्गदर्शन केले तसेच सर्व विद्यार्थिनींचे गुलाबपुष्प देऊन स्वागत करत त्यांच्या उज्ज्वल भवितव्यासाठी शुभेच्छा दिल्या. तसेच विद्यार्थिनींसाठी हेल्पलाईन क्रमांकही जारी करण्यात आला. यावेळी हिंगणा एमआयडीसीचे पोलीस निरीक्षक उमेश बेसरकर, महिला पोलीस अधिकारी, गुप्तचर पोलीस अधिकारी व पोलीस कर्मचारी उपस्थित होते.
