आष्टी (श.)/ वर्धा : गोवा येथे ३७ वे नॅशनल गेम्स आयोजित करण्यात आले होते. त्यात आष्टी येथील रहिवासी आस्था रवींद्र गायकी यांना लोबा सिकाई फाईट या क्रीडा प्रकारात रौप्यपथक प्राप्त झाले आहे. इंडियन ऑलंम्पिक असोसिएशन, मिनिस्ट्री ऑफ युथ वेल्फेअर अॅण्ड स्पोर्ट गव्हरमेंट ऑफ इंडिया यांच्या वतीने २६ सप्टेंबर ते ९ नोव्हेंबर या कालावधीत गोवा येथे ४३ क्रीडा स्पर्धांचे आयोजन करण्यात आले होते.
देशातील २१ राज्यातील ११०० खेळाडूंनी या स्पर्धेत सहभाग नोंदविला. वर्धा जिल्ह्यातील आष्टी तालुक्यातील लहानआर्वी येथील रहिवासी असलेली आस्था रवींद्र गायकी हिने लोबा सिकाई फाईट या क्रीडा प्रकारात ४६ किलो वजनगटात जम्मू-काश्मीरच्या खेळाडूंशी झुंज देत एका गुणाने मागे राहून रौप्यपदक प्राप्त केले. तिने मिळविलेल्या या यशाबद्दल तिचे सर्वस्तरातून कौतुक होत आहे. नॅशनल गेम्समध्ये महाराष्ट्रातील १८ खेळाडूंनी भाग घेतला होता. यामध्ये दोन सुवर्ण, दोन रौप्य व चार कांस्यपदक खेळाडूंनी प्राप्त केले आहे. खेळाडूंनी आपल्या यशाचे श्रेय प्रशिक्षक व वडील रवींद्र गायकी यांना दिले. रवींद्र गायकी हे सिकाई मार्शल आर्ट या खेळाचे आंतरराष्ट्रीय खेळाडू असून उत्तम प्रशिक्षक आहे. आस्थाच्या यशाबद्दल प्रीतम गायकी, हनुमान गायकी, आनंद गायकी यांच्यासह गायकी परिवार व इतरांनी तिचे भरभरून कौतुक केले आहे.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
