चंद्रपूर :- मागील काही वर्षांत भारतीय जनता पार्टीने सदस्य नोंदणी अभियानात विश्वविक्रम केला आहे.जगातील सर्वात मोठी व विश्वसनीय लोकशाही या देशात नांदत आहे.पंतप्रधान नरेंद्र मोदी यांच्या नेतृत्वात देशाने जगात नावलौकिक मिळविले आहे.देशभक्त नागरिकांचे संघटन म्हणून भाजपाकडे बघितले जाते.आपणही देशभक्त नागरिक अहात,म्हणून भाजपात प्रवेश करून देशभक्त नागरिकांच्या संघटनात सहभागी व्हा,असे आवाहन भारतीय जनता पार्टी,चंद्रपूर महानगर जिल्हाध्यक्ष डॉ मंगेश गुलवाडे यांनी प्रसिद्धी पत्रकातून केले आहे.
चंद्रपूर जिल्ह्यातच नाही तर महाराष्ट्रात,लोकनेते आ सुधीर मुनगंटीवार यांच्या नेतृत्वात महाराष्ट्राने नेत्रदीपक प्रगती केली आहे.चंद्रपूर जिल्ह्याचा सर्वांगीण विकासाचे स्वप्न लोकनेते,विकासपुरुष आ मुनगंटीवार यांनी सदोदित बघितले आहे.म्हणूनच आपल्या जिल्ह्यात हजारो विकासाची कामे झाली व काही प्रगती पथावर आहेत.हे पूर्ण करण्यासाठी जनसामान्यांची साथ महत्वाची आहे.म्हणूनच,भाजपा तर्फे महानगरातील प्रत्येक बुथवर भाजपात प्रवेश-सुरक्षित देश अभियान राबविले जात आहे.आपणास विनंती आहे की,आपल्या बूथ प्रमुखांशी संपर्क करून भाजपात प्रवेश करा. भाजपाला मजबूत करा,देश समृद्धीची कास धरा.
प्रत्येक बुथवर शुक्रवारी भाजपा प्रवेश……
महानगर भाजपा चंद्रपूर तर्फे शुक्रवार(11 फरवरीला) सकाळी 11 वाजता महानगरातील प्रत्येक बुथवर पक्ष प्रवेश कार्यक्रमाचे आयोजन (300 बुथ)करण्यात आले आहे.आ.सुधीर मुनगंटीवार यांच्या मार्गदर्शनात व भाजपा जिल्हाध्यक्ष डॉ मंगेश गुलवाडे यांच्या नेतृत्वात होणाऱ्या या विशेष उपक्रमाच्या यशस्वीतेसाठी 300 प्रमुख पदाधिकारी बुथवर भेट देणार आहेत.यात प्रामुख्याने जिल्हाध्यक्ष डॉ गुलवाडे,महासचिव ब्रिजभूषण पाझारे,सुभाष कासनगोट्टूवार,रवींद्र गुरनुले,कोषाध्यक्ष प्रकाश धारणे आदींसह,प्रत्येक आघाडीचे जिल्हाध्यक्ष,पदाधिकारी व कार्यकर्त्यांचा समावेश आहे
