वरोरा:- महारोगी सेवा समिती संचालित आनंद निकेतन कृषी महाविद्यालय, वरोरा, राष्ट्रीय कृषी विस्तार व्यवस्थापन संस्था (MANAGE) , हैद्राबाद, वसंतराव नाईक राज्य कृषी विस्तार व्यवस्थापन प्रशिक्षण संस्था,( वनामती), नागपूर, कृषी तंत्रज्ञान व्यवस्थापन यंत्रणा, ( आत्मा), चंद्रपूर यांच्या संयुक्त विद्यमानाने आनंद निकेतन कृषी महाविद्यालय वरोरा मध्ये ग्रामीण युवकांना कौशल्य आधारित प्रशिक्षण (STRY) अंतर्गत फळे भाजीपाला प्रक्रिया व मूल्यवर्धन या प्रशिक्षण कार्यक्रमाचा उद्घाटन समारंभ दि. 6 फेब्रुवारी रोजी महाविद्यालयात पार पडला.
या प्रशिक्षणा अंतर्गत 18 ते 40 या वयोगटातील युवकांना फळे व भाजीपाला प्रक्रिया व मूल्यवर्धन यातील संधी, विविध प्रक्रिया युक्त पदार्थ यांचे प्रात्यक्षिक, विविध शासकीय योजना इत्यादी संबंधित मार्गदर्शन करण्यात येणार आहे.
सदर प्रशिक्षण हे 6 ते 11 फेब्रुवारी या कालावधीत होत असून या प्रशिक्षणात एकूण 28 प्रशिक्षणार्थीची निवड करण्यात आली आहे.
सदर प्रशिक्षण कार्यक्रमाच्या उद्घाटनाचे अध्यक्ष महाविद्यालयाचे प्राचार्य डॉ. सुहास पोतदार , तसेच प्रमुख अतिथी म्हणून सुधाकर कडू ,विश्वस्त महारोगी सेवा समिती, प्रमुख वक्ता डॉ. नीलिमा पाटील, विषय विशेषज्ञ, कृषी विज्ञान केंद्र, गडचिरोली व कार्यक्रम संयोजिका मिली पुसदेकर हे उपस्थित होते. कार्यक्रमाचे सूत्रसंचालन व आभार प्रदर्शन हे डॉ. अनिल भोगावे यांनी केले.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
