गडचिरोली:-विध्यार्थ्यांसाठी आलापल्ली सारख्या ग्रामीण भागात सुरू केलेल्या अभ्यासिकेमुळे आदर्श पिढी निर्माण होईल, अभ्यासिका म्हणजे आदर्श पिढी निर्माण करण्याचा कारखाना आहे. असे प्रतिपादन माजी राज्यमंत्री अंब्रीशराव आत्राम यांनी केले.चाणक्य अकॅडमीचे संचालक तथा मार्गदर्शक जुगल बोम्मनवार यांनी श्रीराम चौक आलापल्ली येथे सुरू केलेल्या नवीन अभ्यासिकाचे उदघाटन 10 ऑक्टोबर रोजी त्यांच्याहस्ते करण्यात आले.याप्रसंगी ते बोलत होते.
यावेळी कार्यक्रमाचे अध्यक्ष म्हणून आलापल्लीचे सरपंच शंकर नैताम,प्रमुख अतिथी म्हणून युवा नेते अवधेशराव आत्राम,प्रवीणराव आत्राम सहा.पोलीस निरीक्षक मोतीराम मडावी,डॉ चरणजीतसिंह सलूजा आदी मान्यवर उपस्थित होते.
पुढे बोलताना विद्यार्थ्यांसाठी अभ्यासिका काळाची गरज असून अभ्यासिकेच्या माध्यमातून युवकांना देश सेवा करण्याची संधी उपलब्ध होणार असल्याचा विश्वास त्यांनी व्यक्त केला. एवढेच नव्हे तर चाणक्य अकॅडमी तर्फे सुरू केलेली अभ्यासिका विद्यार्थ्यांसाठी दिशादर्शक असून अभ्यासिकेमुळे गरीब विद्यार्थ्यांची होणारी गैरसोय दूर होणार आहे. गडचिरोली सारख्या आदिवासीबहुल भागात पुणेरी पॅटर्न अभ्यासिका सुरू केल्याने येथील विध्यार्थ्यांना नक्कीच याचा फायदा होणार असून विद्यार्थ्यांनी याचा लाभ घ्यावा असे आवाहन माजी राज्यमंत्री अंब्रीशराव आत्राम आवाहन केले.
*चाणक्य अकॅडमी ठरत आहे विद्यार्थ्यांसाठी स्पर्धा गुरु*
चाणक्य अकॅडमी अहेरी स्पर्धा परीक्षा मार्गदर्शन केंद्राची स्थापना 18 सप्टेंबर 2016 रोजी झाली. सुरुवातीला 78 विद्यार्थी प्रवेश घेऊन स्पर्धा परीक्षा मार्गदर्शन घेतली तर आजतागायत 500 पेक्षा अधिक विद्यार्थी मार्गदर्शन घेतले असून आतापर्यंत बरेच विद्यार्थी यशस्वी झाले आहेत. त्यात 2018 च्या पोलीस भरतीत एकूण 3 विद्यार्थ्यांची निवड झाली. तर,1 एम एम एफ व 1 आर्मी तसेच 1 विद्यार्थ्याची तलाठी म्हणून निवड झाली.तर 2019-20 मध्ये कोरोना महामारीमुळे ऑनलाइन क्लासेस घेण्यात आले.तर नुकतेच झालेल्या पोलीस भरती मध्ये येथील 4 विद्यार्थ्यांची निवड झाली.
एवढेच नव्हे तर चाणक्य अकॅडमी तर्फे विविध शाळा आणि महाविद्यालयांमध्ये स्पर्धा परीक्षा मार्गदर्शन सत्र घेण्यात येत आहे.आलापल्ली येथे पुणेरी पॅटर्न अभ्यासिका नंतर आता पुढील काळात सिरोंचा आणि मुलचेरा तालुका मुख्यालयात शाखा सुरू करण्याचा मानस असल्याचे चाणक्य अकॅडमी चे संचालक तथा मार्गदर्शक जुगल बोम्मनवार यांनी मत व्यक्त केले.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
