भद्रावती : भद्रावती येथील विवेकानंद महाविद्यालयातील वाणिज्य विभागप्रमुख डॉ.विजय टोंगे व डॉ. सुहास तेलंग लिखित “सांख्यिकी तंत्रप्रणाली व व्यावसायिक अंकगणित” या पुस्तकाचे प्रकाशन यंग टीचर्स असोसिएशन या प्राध्यापक संघटनेचे सर्वेसर्वा डॉ. प्रदीप घोरपडे यांच्या हस्ते करण्यात आले. या प्रकाशन प्रसंगी उपप्राचार्य डॉ. संजय बेले, डॉ. मोहन जगनाळे, डॉ. विनायक बोढाले, डॉ. फुलचंद निरंजने, डॉ. संदीप मांडवगडे, डॉ. केवलराम कराडे, डॉ. रोशन फुलकर, डॉ. पी. एस. वैराळे, डॉ. बी.के. धोंगडे, डॉ. तात्याजी गेडाम, डॉ भास्कर लेनगुरे, डॉ. राहुल सावलीकर, डॉ.सी. के. जिवने, डॉ. राजेश डोंगरे, डॉ. हरिचंद्र कामडी, डॉ श्रीराम गहाणे, डॉ. रेखा मेश्राम, डॉ.एम. आर.चौधरी, डॉ.मंडल, डॉ.सोनवणे, डॉ.गजभे, डॉ. विजय बनकर प्रामुख्याने विशेष अतिथी म्हणून उपस्थित होते.
व्हिडीओ बातमी
पुस्तक प्रकाशनप्रसंगी बोलताना डॉ. घोरपडे म्हणाले की, “आज प्रकाशित झालेले हे पुस्तक वाणिज्य विद्याशाखेत अभ्यास करणाऱ्या विद्यार्थ्यांना अतिशय उपयुक्त मार्गदर्शन करणारे आहे. या पुस्तकाचे लेखन अभ्यासपूर्ण असून अभ्यासक्रमातील सर्व घटकांचा सर्वांगसुंदर समावेश असलेले हे पुस्तक निश्चितच विद्यार्थ्यांना उपयोगी पडेल असे सांगितले. कार्यक्रमाचे संचालन डॉ उत्तम घोसरे, प्रास्ताविक डॉ.सुहास तेलंग, आभारप्रदर्शन डॉ.यशवंत घुमे यांनी केले. यावेळी गोंडवाना विद्यापीठ क्षेत्रातील प्राध्यापक मोठ्या संख्येने उपस्थित होते.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
