जि.प.उ.प्रा.शाळा,चंदनखेडा येथे पार पडला शाळा पुर्व तयारी मेळावा

भद्रावती :जि.प.उ.प्रा.शाळा,चंदनखेडा येथे शाळापुर्व तयारी मेळाव्याचे आयोजन ३० जूनला करण्यात आले होते .सदर मेळाव्यात नविन भरतीपात्र विद्यार्थी व त्यांचे पालक यांची बहुसंख्य उपस्थिती होती.यावेळी गावातुन वाजत गाजत मिरवणुक काढण्यात आली.पहिल्या वर्गात प्रवेश घेतलेल्या विद्यांर्थ्यांचे स्वागत करण्यात आले.यावेळी नयन जांभुळे सरपंच,.अनिल कोकुडे अध्यक्ष शा.व्य.स. डाँ.प्रकाश महाकाळकर शि.वि.अ.तसेच शा.व्य.स.सदस्य,मुख्याध्यापक साधना धाईत व सर्व शिक्षक तथा विद्यार्थी सदर मेळाव्यात उपस्थित होते.शाळेची पहिल्याच दिवशी उपस्थिती ८२.२४ टक्के होती.
यावेळी मेळाव्याचे फित कापुन उद्घाटन मान्यवरांचे हस्ते करण्यात आले.या मेळाव्यास डाँ.प्रकाश महाकाळकर यांचे विशेष मार्गदर्शन तसेच माँडेल स्कुल साठी निवड झालेल्या १० विद्यार्थ्यांना सन्मानित करण्यात आले.त्यानंतर मेळाव्यात प्रत्येक नवप्रवेशित बालकांना प्रत्येक दालनात पालकासह शै.साहित्यांचे सोबतीत साहित्याचे अवलोकन तथा मौखिक चाचणी घेण्यात आली.अतिशय उत्साहात हा मेळावा पार पडला.शेवटी उपस्थित मान्यवरांनी नियोजनाबाबत समाधान व्यक्त केले.