वरोरा : तेली समाजाचे आराध्य देवता संत शिरोमणी जगनाडे महाराज यांच्या जयंतीनिमित्त ८ डिसेंबर रोजी वरोरा शहरातील वणी बायपास चौक येथे संत जगनाडे महाराज यांचा फलक लावून या चौकास संत जगनाडे महाराज चौक असे नाव देण्याची मागणी करण्यात आली.
वरोरा शहर व विधानसभा क्षेत्रात तेली समाजाचे मोठ्या संख्येने अनुयायी आहेत. शहरात अनेक महापुरुषांच्या नावाने चौक, मार्ग व स्थळांना नावे देण्यात आली असली तरी समाजाचे आराध्य संत शिरोमणी जगनाडे महाराज यांच्या नावाने अद्याप कोणतेही चौक अथवा स्थळ नसल्याने ही मागणी पुढे आली आहे.
या निमित्ताने समाजबांधवांच्या उपस्थितीत चौकावर संत जगनाडे महाराज चौक असा फलक लावण्यात आला. या प्रसंगी रमेश शेंडे, दत्ता तडस, सुधाकर घाटे, त्रिशूल घाटे, रवींद्र बुरीले, रवींद्र शेंडे, योगेश कातोरे, कैलास तडस, सज्जन शेंडे, मनोज कोटकर, रोहित मुंगले, ओम नौकरकर, सागर शेंडे, गंगाधर कातोरे, राजेंद्र वरघने, शशी चौधरी, विनोद हुसुकले, रोहित तडस, गुणवंता तडस, अक्षय सोनटक्के, बबलू वंजारी, प्रवीण गंधारे आदी उपस्थित होते.
या उपक्रमाच्या यशस्वी आयोजनात योगेश कातोरे व त्रिशूल घाटे यांचे विशेष योगदान राहिले.
