मुंबई: मागील काही महिन्यांपासून मुंबईत सातत्याने मराठी आणि अमराठी असा वाद सुरू आहे. मराठी भाषेचा, मराठी माणसाला अपमानास्पद वागणूक देण्याच्या घटना मुंबई आणि परिसरात घडत आहे. घाटकोपरमध्ये पुन्हा एकदा मराठी-गुजराती असा वाद उफाळून आला आहे. मराठी कुटुंबीयांना त्यांनी मांसाहार खाण्यावरून इमारतीमधील गुजराती-जैन यांनी अपमानास्पद टिप्पणी केली आहे.
मागील काही वर्षांपासून मुंबई आणि परिसरात मराठी कुटुंबांना घरे नाकारण्याचा प्रकार घडत आहे. मराठी माणसाला डावलण्याच्या घटना घडत असून भाषेवरून अपमानास्पद म्हटले जाते. या घटनांवरुन संतापही व्यक्त करण्यात येत आहे. आता घाटकोपरमध्ये घडलेल्या एका घटनेने अमराठी लोकांच्या धार्मिक आणि सांस्कृतिक दादागिरीचा मुद्दा ऐरणीवर आला आहे.
घाटकोपर येथील एका सोसायटीमध्ये बहुतांश कुटुंब ही जैन, मारवाडी आणि गुजराती आहेत. तर केवळ चार मराठी कुटुंब आहेत. या 4 मराठी कुटुंबांना इतर कुटुंबीयांकडून मांसाहारी जेवणावरून गुजराती, जैन सदस्यांकडून त्रास दिला जात असल्याचे समोर आले आहे. या सोसायटीमधील शाह नावाच्या व्यक्तीकडून वारंवार त्रास दिला जात असल्याचा आरोप करण्यात आला आहे. मराठी आदमी गंदा है, तुम मच्छी मटण खाते हो’,असे वारंवार म्हटले.
यावर मनसेचे राज पार्टे यांनी सोसायटी मध्ये घुसून चांगलाच समाचार घेतला.
