कोल्हार : अहिल्यानगर जिल्ह्यातील राहाता तालुक्यात असणाऱ्या श्रीक्षेत्र कोल्हार येथे राजुरी रोड स्थित अखिल भारतीय श्री स्वामी समर्थ अध्यात्मिक विकास व बालसंस्कार केंद्रात परमपूज्य श्री गुरुमाऊलींच्या कृपाशीर्वादाने श्री दत्त महाराजांच्या जयंती निमित्त रविवार (दि.८)पासून विविध धार्मिक कार्यक्रमाचे आयोजन करण्यात आले आहे या सप्ताह काळात दररोज अखंड नाम जप यज्ञ कार्यक्रम सोमवार (दि. १६ )पर्यंत होणार असून यावेळी सामुदायिक श्री गुरुचरित्र वाचनाचा कार्यक्रम होत असल्याची माहिती स्वामी सेवेकरी श्री सुदर्शनभाऊ तरकसे यांनी दिली . यावेळी दररोज सकाळी भूपाळी आरती नैवेद्य आरती तसेच नित्य स्वाहाकार गणेश याग,चंडी याग, स्वामी याग, गीताई याग, रुद्र याग, श्री सत्यदत्त पूजन आदी कार्यक्रम होणार आहे, यावेळी सकाळी ८ ते संध्याकाळी ८ या काळात महिला सेवेकरी व सकाळी ८ ते संध्याकाळी ८ या काळात पुरुष सेवेकर्यांची प्रहर सेवा मोठ्या उत्साहात होत असल्याची माहिती स्वामी सेवेकरी श्री सुधीर भाऊ खर्डे यांनी दिली. नियोजित सप्ताह यशस्वीपणे पार पाडण्यासाठी ,स्वामी सेवेकरी श्री विजय भाऊ डेंगळे श्री किशोर भाऊ निबे, श्री संजयभाऊ राऊत, राजूभाऊ भणगे, श्री अनिलभाऊ खर्डे,श्री काळे मामा तसेच महिला सेवेकरी सौ पल्लवीताई धनवटे, सौ ताडपत्रीकर ताई, सौ सुनीता ताई शेळके, सौ लताताई रोकडे, सौ काळे मामी, सौ सुनीताताई भणगे आदी प्रयत्नशील असल्याचे सह्याद्रीचा राखणदार या दैनिकाचे वार्ताहर श्री गणेश सोमवंशी यांनी सांगितले.
