भद्रावती (विशेष प्रतिनिधी) : रोटरी क्लब भद्रावती तसेच इनरव्हिल क्लब भद्रावती यांचा संयुक्त पदग्रहण सोहळा दिनांक ३१जुलै २०२४ रोज बुधवारला स्थानिक सेलिब्रेशन सभागृहात मोठ्या थाटात संपन्न झाला.या पदग्रहण सोहळ्याचे अध्यक्ष रोटेरी अरुण कावडकर, तर प्रमुख अतिथी रोटेरी रमा गर्ग ह्यांच्या उपस्थितीत संपन्न झाला. यावेळी रोटरी क्लबचे मावळते अध्यक्ष अनिल धानोरकर यांनी नवनिर्वाचित अध्यक्ष किशोर खंडाळकर यांना पदभार सोपविला. मावळते सचिव सुधीर पारधी यांनी नवनिर्वाचित सचिव आत्माराम देशमुख यांच्याकडे पदभाराची सुत्रे सोपविली. यावेळी हनुमान घोटेकर हे कोषाध्यक्ष तर विक्रांत बिसेन ह्याची प्रोजेक्ट डायरेक्टर म्हणून सर्वानुमते निवड करण्यात आली.
इनरव्हील क्लब भद्रावतीचा पदग्रहण सोहळा यावेळी संपन्न झाला. यात मावळते अध्यक्ष स्वाती चारी यांनी नवनिर्वाचित अध्यक्ष प्रा. प्रेमा पोटदुखे यांना पदभार सोपविला. मावळत्या सचिव प्रेमा पोटदुखे यांनी नवनियुक्त सचिव सुनंदा खंडाळकर यांना पदभार सोपविला.याप्रसंगी उपस्थितांना अध्यक्षीय मार्गदर्शनातून ” रोटरी क्लब हे समाजसेवेसाठी कार्यरत आहे, भद्रावतीचा रोटरी क्लब हा समाजसेवी कार्यात अग्रेसर असल्याचे मत अरुण कावडकर यांनी मांडले. यावेळी मावळते अध्यक्ष धानोरकर यांनी आपल्या कार्यकाळात केलेल्या उपक्रमांचा धावता आढावा घेतला. नवीन अध्यक्ष खंडाळकर यांनी आपल्या कारकीर्दीत अनेक लोकोपयोगी उपक्रम घेणार असल्याचा मनोदय व्यक्त केला. यावेळी ५ नवीन सदस्यांनी रोटरी क्लब व ३ नवीन सदस्यांनी इनरव्हील क्लब भद्रावतीचे सदस्यत्व स्विकारले. कार्यक्रमाचे सूत्रसंचालन प्राचार्य सचिन सरपटवार, आभारप्रदर्शन सुधीर पारधी यांनी केले. कार्यक्रमाला रोटरी क्लब वणी चे अध्यक्ष, माजी अध्यक्ष, सदस्य , रोटरी क्लब भद्रावतीचे सदस्य, इनरव्हील क्लबचे भद्रावतीचे सदस्य, शहरातील पत्रकार मंडळी, प्रतिष्ठित नागरिक मोठ्या संख्येत उपस्थित होते.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
