चंद्रपूर :- चंद्रपूर मध्ये सतत सुरू असणाऱ्या पावसामुळे चंद्रपूर मधील काही भागांमध्ये आंबेडकर नगर ,रमाई नगर अष्टभुजा ,हिंगलाज भवानी,टॉवर टेकडी ,लुंबिनी नगर आणि बाबूपेठ मधे नागरिकांच्या घरामध्ये पाणी शिरल्यामुळे त्यांना अवंती – अंबर सामाजिक प्रतिष्ठान, चंद्रपूरचे अध्यक्ष काँग्रेसचे नेते महेश मेंढे यांच्यातर्फे पूरी-भाजी,मसाला भातचे पॅकेज वाटप करण्यात आले.
चंद्रपूर जिल्ह्यात झालेल्या मुसळधार पावसाने घरातील वस्तूंचे मोठ्या प्रमाणात नुकसान झाले. मुसळधार पावसामुळे तीन दिवंसापासून जिल्ह्यांत अनेक ठिकाणी पावसाने हाहाकार घातला आहे. अनेक गावांमध्ये पुरसदृष्य स्थिती निर्माण झाली. तर अनेक गावांचा संपर्क तुटला. अश्यात चंद्रपूर येथील अष्टभुजा वार्ड़ , रमाई नगर , टॉवर टेकडी, लुंबिनी नगर , बाबूपेठ, सिद्धार्थ नगर, आंबेडकर वार्ड, हिंगलाज भवानी वार्ड परिसरात रात पाणी गेल्याने जनजीवन विस्कळले आहे.
याचे मदतीसाठी जनसेवा हिच ईश्वर सेवा हे व्रत हाती घेतलेले अवंती – अंबर सामाजिक प्रतिष्ठान, चंद्रपूरचे अध्यक्ष काँग्रेसचे नेते महेश मेंढे यांनी पाहणी करुन गरजुंना छतासाठी ताळपत्रीचे वाटप करत असून काहींना त्यांनी पूरी-भाजी,मसाला भातचे पॅकेज वाटप करून अनेकांना सहारा दिला आहे. पुरपीडित असो व गरजू न्याचे मदतीसाठी आपण सदैव मदतीसाठी तयार असल्याचेही ते म्हणाले.
यावेळी अविनाश मेश्राम ,सचिन रणवीर, समीर सोनवणे, अथर्व फुलझेले, सर्वेश पिसे, मीनल गुरव , राजेश पिंपळकर , विनय देठे, पियुष धुपे यांनी अष्टभुजा वार्ड़ , रमाई नगर , टॉवर टेकडी, लुंबिनी नगर , बाबूपेठ, सिद्धार्थ नगर, आंबेडकर वार्ड, हिंगलाज भवानी वार्ड येथील गरजूना मसाला भाताचे वाटप केले.
