गोंडपिपरी – (सुरज माडूरवार)
गोंडपिपरी पोलिसांनी मंगळवारी सकाळी पाच वाजता दरम्यान भंगाराम तळोधी मार्गावर कारवाई करत महाराष्ट्रातून तेलंगणा राज्यात अवैधरीत्या जनावरांची तस्करी करणाऱ्या तीन ट्रक जप्त करून एकूण १०० जनावरांची सुटका केली.याप्रकरणी एका आरोपीला अटक करण्यात आली असून ४२ लाख ४५ हजारांचा मुद्देमाल जप्त करन्यात आला.दोन चालक पळून जाण्यात यशस्वी ठरले. एक आरोपी ताब्यात सापडला असून मुसाब अली खान गडचांदूर असे अटकेतील आरोपीचे नाव आहे.गोंडपिपरी पोलीसांना मिळालेल्या गुप्त माहितीच्या आधारावर छत्रपती शिवाजी चौकात ठाणेदार रमेश हत्तिगोटे यांनी पोलीस सहकारी कोसनशिले,मनोहर मत्ते,गणेश पोदाळी,प्रशांत नेताम,सचिन मोहुरले, कुडमेथें या सहकाऱ्यांसह सापळा रचला तस्करांना कारवाई होणार असल्याचे संकेत मिळताच त्यांनी आड मार्ग निवडत गोंडपिपरी मार्गे न येता विठ्लवाडा मार्गे भंगाराम तळोधी कडे ट्रक वळविले पोलिसांनी माहिती मिळताच सिनेस्टाईल पाठलाग करून ट्रक क्रमांक MH 32 B 9584,MH 40BL 7186,MH 34 BG 8824 वाहन थांबवून तपासणी केली असता १०० जनावरे आढळून आले.जनावरे दाटीवाटीने वाहनात कोंबून निर्दयीपणे वाहतूक केली जात होती. याप्रकरणी आरोपी विरोधात पोलिसांनी महाराष्ट्र पशु संरक्षण, प्राण्यांचा छळ प्रतिबंधक अधिनियमानुसार आरोपींविरुद्ध गुन्हा दाखल केला आहे. ठाणेदार हत्तीगोटे यांनी गोंडपिपरी पोलीस स्टेशनचे सूत्रे हाती घेतल्यापासून गेल्या सहा महिन्यात चार मोठ्या कारवाया करत यापूर्वी 150 जनावरांची सुटका केली हे विशेष
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
