नागरिकांशी भेटी दरम्यान साधला सवांद
गोंडपिपरी-
संपूर्ण महाराष्ट्र राज्यात काँग्रेसच्या पदयात्रेला ३ सप्टेंबर रविवार पासून सुरुवात झाली आहे. दरम्यान गोंडपिपरी तालुक्यातील जनसंवाद पदयात्रेचा शुभारंभ राजुराचे माजी नगराध्यक्ष तथा विधानसभा समन्वयक अरुण धोटे यांच्या नेतृत्वात करण्यात आले.खराळपेठ या गावापासून सकाळी ७ वाजता पदयात्रा निघाली.यात्रेत सहभागी राजुरा नगरपरिषदेचे माजी नगराध्यक्ष अरुण धोटे यांनी पदयात्रेत सहभागी झालेल्या कार्यकर्त्यांसह पदयात्रा नियोजित मार्गावरील गावोगावी व गावातील नागरिकांशी भेटी दरम्यान संवाद साधला.
पदयात्रा बोरगाव पोहोचताच मुसळधार पावसाला सुरुवात झाली. परंतु जनसंवाद साधने महत्त्वाचे असल्याने धोटे यांनी जनसंवाद पदयात्रेत सहभागी झालेल्या संपूर्ण कार्यकर्त्यांसह अख्या पावसात भिजत पदयात्रा काढली व गावागावातील नागरिकांशी संवाद साधला.नागरिकांना अरुण धोटे काँग्रेसची भूमिका पटवून सांगत भाजपने जनतेला खोटे आश्वासन देत कशी फसवणूक केली,पेट्रोल,डिझेल दर वाढवले, बेरोजगारी वाढली,उद्योग महाराष्ट्रातून गेले,महागाई वाढली हे पटवून सांगत भाजपा देश विरोधी आहे लोकशाही विरोधी आहे भाजपा हटाव संविधान बचाव चा नारा देत.सामान्यांचे कंबरडे मोडणाऱ्या भाजपला धडा शिकवण्याचे आव्हाहन केले.यावेळी तालुक्यातील काँग्रेस कमिटीचे सर्व सेलचे पदाधिकारी,कार्यकर्ते व नगरपंचायतीचे पदाधिकारी उपस्थित होते.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
