गोंडपिपरी/चंद्रपूर -(सुरज माडुरवार)
शेतात काम करण्यासाठी गेलेल्या वृद्धाचा विहिरीत पडून मृत्यू झाल्याची घटना आज दि.११ शुक्रवार दुपारच्या सुमारास घडली.
नेहमी प्रमाणे शेतात काम करण्यासासाठी तालुक्यातील विठ्ठलवाडा येथील शेतकरी भाऊजी भिवा पोतराजे वय (६५) हे शेतात कांद्याची चोप लावायला गेले.विहीरीलगत काम करत असताना त्यांचा तोल गेला व ते विहीरित पडले.त्यानंतर शेतात पत्नी व मुलगा काम करण्यासाठी आले असता त्यांना भाऊजी पोतराजे हे शेतात आढळून न आल्याने शंका आली शोधाशोध केल्यानंतर विहरीजवळ चप्पल आढळून आल्याने विहरित शोध घेण्यात आला त्यात त्यांचा मृतदेह आढळला.सदर घटणेमुळे गावात हळहळ व्यक्त केल्या जात आहे पुढील तपास ठाणेदार राजगुरू यांच्या मार्गदर्शनात पीएसआय मोगरे करीत आहे.
