वरोरा :- चंद्रपूरचे खासदार बाळू धानोरकर यांच्या दुःखद निधनाने संपूर्ण देश हळहळला. वरोरा येथे अंतिम संस्कार करण्यात आले. काटोलचे माजी आमदार डॉ. आशिष देशमुख यांनी वरोरा येथे खा. बाळू धानोरकर यांच्या पार्थिवाचे दर्शन घेऊन त्यांना श्रध्दांजली अर्पण केली आणि अंत्ययात्रेत सहभागी झाले. बाळू धानोरकर यांच्या परिवाराचे त्यांनी सांत्वन केले. या दुःखद प्रसंगी त्यांनी आपली शोक-संवेदना व्यक्त केली.
“चंद्रपूरचे खासदार बाळू धानोरकर या तरुण आणि तडफदार नेत्याचे निधन हे धक्कादायक आहे. त्यांच्या वडिलांचे चारच दिवसांपूर्वी निधन झाले होते. आम्ही दोघे 2014 मध्ये आमदार म्हणून निवडून आल्यानंतर सोबत काम केले आहे. माझे ते एक चांगले आणि जवळचे मित्र होते. ते लोकसभेतील महाराष्ट्रातील एकमेव काँग्रेस खासदार होते. सामान्य जनतेला आणि बहुजन समाजाला त्यांनी नेहमीच मदतीचा हात दिला. दांडगा जनसंपर्क आणि समाजासाठी काही चांगले करण्याची प्रबळ इच्छा, यामुळे ते लोकप्रिय होते.
ऐन उमेदीच्या काळात त्यांचे अकाली निधन सर्वांनाच अस्वस्थ करणारे आहे. एक कर्तव्यदक्ष, सामाजिक जाणीव असलेला नेता, धडाडीचा लोकप्रतिनिधी म्हणून त्यांची ख्याती होती. त्यांच्या निधनाने माझी वैयक्तिक हानी झाली आहे. माझा एक चांगला मित्र काळाने हिरावला”, अशी शोक-संवेदना माजी आमदार डॉ. आशिष. देशमुख यांनी व्यक्त केली.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
