गडचिरोली: जिल्ह्यात काँग्रेस पक्षाला मोठा धक्का बसला असून मुलचेरा पंचायत समितीचे माजी सभापती सुवर्णा येमुलवार यांनी काँग्रेस पक्षाला रामराम करत राष्ट्रवादी काँग्रेस पक्षात प्रवेश केला आहे.26 मे रोजी मुलचेरा येथे आयोजित राष्ट्रवादी काँग्रेस पक्षाच्या कार्यकर्ता मेळाव्यात त्यांनी राष्ट्रवादी काँग्रेस पक्षाचे प्रदेश उपाध्यक्ष तथा विद्यमान आमदार धर्मराव बाबा आत्राम यांच्या नेतृत्वावर विश्वास ठेवत राकॉ मध्ये प्रवेश केला.
सुवर्णा येमुलवार यांनी 2017 मध्ये काँग्रेस पक्षाकडून पंचायत समितीची निवडणूक लढवली होती. सुंदरनगर-गोमनी जिल्हा परिषद क्षेत्रातून रवींद्र निर्मल शहा यांच्या पॅनल मध्ये त्या मोठ्या मताधिक्याने निवडून आले होते. एवढेच नव्हेतर तर पहिल्यांदा निवडून येताच त्यांची सभापती पदी वर्णी लागली.तर,अडीच वर्षानंतर दुसऱ्या टर्मला पुनःश्च सभापती पदावर विराजमान होऊन तब्बल 5 वर्षाचा कार्यकाळ त्यांनी पूर्ण केला.विशेष म्हणजे तत्कालीन काँग्रेसचे तालुका अध्यक्ष रवींद्र निर्मल शहा यांच्यामुळे गुरुदास तिंम्मा आणि सुवर्णा येमुलवार यांना मोठा फायदा झाला.2017 च्या जिल्हा परिषदेच्या निवडणुकीत रवींद्र शहा यांनी आपला पॅनल निवडून आणला होता.
2017 मध्येच सुंदरनगर गणात त्यांनी राष्ट्रवादी काँग्रेसचे उमेदवार माजी पंचायत समिती सभापती आशा विठ्ठल निखुले यांचा 565 मतांनी पराभव केला होता.मागील काही दिवसांपासून त्या काँग्रेसला सोडचिट्टी देणार असल्याची चर्चा होती.अखेर 26 मे रोजी आ.धर्मराव बाबा आत्राम यांच्या नेतृत्वात त्यांनी राष्ट्रवादी काँग्रेसमध्ये प्रवेश करत चर्चांना पूर्णविराम दिला.यासोबतच विवेकानंदपुर येथील अपूर्व मुजुमदार,सुंदरनगर चे ग्रा.प.सदस्य श्यामल पाल,भवतोष दास आदींनी राष्ट्रवादी काँग्रेसमध्ये प्रवेश केला आहे.
आ धर्मराव बाबा आत्राम यांनी त्यांच्या गळ्यात राष्ट्रवादी काँग्रेस पक्षाचा दुपट्टा टाकत पुष्पगुच्छ देऊन स्वागत केले. यावेळी राष्ट्रवादी काँग्रेसचे मुलचेरा तालुका अध्यक्ष तथा जिल्हा परिषदेचे माजी बांधकाम सभापती युधिष्ठिर बिश्वास, तालुका कार्यकारी अध्यक्ष मनोज बंडावार,शहर अध्यक्ष मनोज कर्मकार, राकॉ चे जेष्ठ नेते रंजित स्वर्णकार, नगरपंचायत चे उपाध्यक्ष मधुकर वेलादी,नगरसेविका मनीषा गेडाम, नगरसेविका सपना मडावी,नगरसेविका मंगला आलाम,माजी नगराध्यक्ष सुभाष आत्राम,ग्रा प सदस्य अतींद्र शील,ग्रा प सदस्य निखिल इज्जतदार,विष्णू रॉय, मारोती पल्लो आदी राष्ट्रवादी काँग्रेसचे कार्यकर्ते उपस्थित होते.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
