भद्रावती : केवळ शिवजयंती साजरी करुन होणार नाही किंवा शिवाजी महाराजांचे नाव घेवून होणार नाही तर जनतेनी शिवाजी महाराजांचे विचार प्रत्यक्षात आचरणात आणावे, असे प्रतिपादन रवींद्र शिंदे यांनी केले.
छत्रपती शिवाजी महाराज जयंती निमित्य तालुक्यातील नंदोरी येथे श्री छत्रपती शिवाजी महाराज युवा प्रतिष्ठान, नंदोरी (बु.) द्वारा “शिवजन्मोत्सव” कार्यक्रमाचे आयोजन रविवार (दि.१९) ला करण्यात आले होते.
यानिमित्त माजी सैनिक सत्कार सोहळा तसेच मॅरेथॉन स्पर्धा पार पडली. 
या प्रसंगी कार्यक्रमाचे उदघाटक शिवसेना (उद्धव बाळासाहेब ठाकरे गट) वरोरा-भद्रावती विधानसभा क्षेत्र प्रमुख रवींद्र शिंदे, अध्यक्ष सामाजिक कार्यकर्ते रमेश राजूरकर, तर प्रमुख पाहुणे किशोर टोंगे, शरद खामनकर, मंगेश भोयर, भानुदास ढवस, किशोर उमरे, अजित पुसनाके, जयश्री एकरे, कविता हंसकार, उषाताई लांबट, संगीता एकरे, शारदा जीवतोडे आदी उपस्थित होते.
माजी सैनिकांचा देशाप्रती त्याग व योगदानाचा गौरव म्हणून परिसरातील माजी सैनिकांचा सत्कार यावेळी करण्यात आला. सोबतच मॅरेथॉन स्पर्धा घेण्यात आली.
मोठ्या संख्येने युवक तथा गावकऱ्यांनी कार्यक्रमात सहभाग घेतला.
कार्यक्रमाच्या यशस्वीतेसाठी श्री छत्रपती शिवाजी महाराज युवा प्रतिष्ठान, नंदोरी (बु.) च्या पदाधिकारी तथा कार्यकर्त्यांनी प्रयत्न केले.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
