विलास मेश्राम वणी – वाघाने केलेल्या हल्ल्यात जनावरे चारण्यासाठी शेतात गेलेला गुराखी ठार झाला. ही घटना सोमवार (ता.२८) सकाळी उघडकीस आली.ही दुसरी घटना घडल्याने सर्वत्र भीतीचे सावट पसरले आहे. रामदास जगन्नाथ पिदूरकर (वय ६०, रा. कोलार पिंपरी) असे मृताचे नाव आहे. वणी तालुक्‍यात आतापर्यंत वाघाच्या हल्ल्यात २ नागरिकांचे बळी गेले आहेत. गेल्या पंधरा दिवसांपूर्वी (ता१०नोव्हेबर) भुरकी येथील अभय मोहन देऊळकर हा युवा शेतकरी वाघाच्या हल्ल्यात ठार झाला होता.
वणी वनपरिक्षेत्र वनविभागांतर्गत येणाऱ्या तालुक्यातील कोलार पिंपरी जंगलात रामदास पिदुरकर हे जनावरे चारण्यासाठी गेले होते. दरम्यान, जनावरे चारून गावाकडे परत येताना रविवारला सायंकाळी पाच वाजतादरम्यान अचानक नरभक्षक वाघाने रामदास यांच्यावर हल्ला केला.रामदास यांना वाघाने घनदाट झुडपामध्ये ओढत नेले. गावकऱ्यांनी रविवारला सायंकाळी शोध घेतला असता शोध लागला नसल्याने पुन्हा सोमवार दि.२८ नोव्हेबर रोजी सकाळी दरम्यान, रामदासचा शोध घेतला असता कोलार पिंपरी जंगलात त्यांचा मृतदेह आढळून आला. वनविभागाच्या दुर्लक्षामुळे दुसरा बळी गेला तरी वनविभागाकडून नरभक्षक वाघाला पायबंद घालण्यात आले नसून कठोर पावले उचलली जात नसल्याचा आरोप संतप्त नागरिकांनी केला आहे. जंगलात पिंजरे, कॅमेरे, मचाणी लावूनही नरभक्षक वाघाला पकडण्याचे आव्हान वनविभागाला पेलता आले नाही
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
