कोरची नगरपंचायत मध्ये स्व.शामलाल मडावी यांना आदरांजली

कोरची :  तहसीलच्या लोकांचे प्रेरणास्थान व नगर पंचायतचे माजी नगरसेवक तथा काँग्रेस कमिटीचे तत्कालीन तालुका अध्यक्ष स्व. शामलाल मडावी यांचे वर्षभरापूर्वी निधन झाले. दरम्यान स्थानिक कोरची नगर पंचायत कार्यालयात स्व. शामलाल मडावी यांच्या पहिली पुण्यतिथी निमित्त त्यांच्या स्मरणार्थ शोकसभा गुरुवारी आयोजित करून आदरांजली वाहण्यात आली.
शामलाल मडावी यांनी समाजकारणातून अनेकांना मदत केली आहे. त्याचबरोबर तालुकाचे प्रश्न ठेवण्याबरोबरच त्यांनी तालुक्याच्या विकासासाठी विशेष प्रयत्न केले. राजकारणात प्रवेश करून त्यांनी जनतेचे प्रश्न सोडविण्यास प्रथम प्राधान्य दिले. त्यामुळे त्यांना तालुक्यामधील लोकांचे प्रेरणास्थान म्हणून संबोधले जाते.
वर्षभरापूर्वी त्याचा मृत्यू झाला. दरम्यान, त्यांच्या स्मरणार्थ कोरची नगर पंचायतमध्ये शोकसभेचे आयोजन करण्यात आले होते. तसेच विविध वॉटसप ग्रुपमध्ये व स्टेट्स लावून असंख्य नागरिकांनी त्यांना श्रद्धांजली अर्पण करून त्यांची आठवण काढली होती.
यावेळी नगराध्यक्षा हर्षलता भैसारे, उपाध्यक्ष हिरा राऊत, तहसील अध्यक्ष तथा नगरसेवक मनोज अग्रवाल, पाणीपुरवठा सभापती धर्मा नैताम, नगरसेवक धनराज मडावी, बांधकाम सभापती तेजस्वानी टेंभुर्णे, महिला व बालकल्याण सभापति भागवती सोनार, पार्षद निरा भगवा, कौशल्या केवांस, सुनंदा कुमरे, चतुर सिंद्राम, वशिम शेख, केवल भैसारे, उपमुख्याधिकारी बाबासो हाके, लेखापाल सुदिप ढोले, पटवारी गाथे, नरेंद्र कोतावार, लेखापाल सुदीप ढोले समेत नगर पंचायतचे अधिकारी व कर्मचारी उपस्थित होते.