घुग्घुस येथे युवकांनी घेतला गोवा पर्यटनाच आनंद !

घुग्घुस : घुग्घुस-म्हातारदेवी रस्त्यावर शेकडो खड्डे पडले आहेत. रस्त्यात खड्डे का आहेत माहीत नाही… धन्यवाद प्रशासन आमचे मित्र घुग्घुस येथे गोव्याच्या पर्यटन स्थळाचा आनंद घेत आहेत. असा शहरवासीयांनी सोशल मीडियावर व्हायरल करून प्रशासनाचे लक्ष वेधण्याचा प्रयत्न केला.

यावेळी मोमीन शेख, अफजल सिद्दीकी, रईस सलमानी, राजू शेख, सलमान खान, बबलू शेख, अक्षय अध्याय आदी थेट खड्ड्यात जाऊन बसले. प्रशासनाचे लक्ष वेधण्यासाठी ही कारवाई करण्यात आली. याची चर्चा आता शहरात रंगली आहे.आता घुग्घुस-म्हातारदेवी रस्त्यावरून स्थानिकांना ये-जा करणे कठीण झाले आहे. अलीकडे काही राजकारण्यांचे हंडे भरतानाचे फोटो व्हिडीओ व्हायरल झाले आहेत. त्यानंतर दोन दिवसांत या रस्त्याची अवस्था पुन्हा जैसे थे झाली आहे. कारण या मार्गावर चोवीस तास अवजड वाहनांची वर्दळ असते, त्यामुळे सुमारे 2 फूट खोल आणि 3 ते 5 मीटर रुंद खड्डे तयार झाले होते. स्थानिक प्रशासन आणि सार्वजनिक बांधकाम विभागाकडून खड्ड्यांची दखल न घेतल्याने प्रशासनाविरोधात नागरिकांमध्ये रोष आहे. अशा परिस्थितीत सोशल मीडियावर चिमटे काढण्यास सुरुवात झाली आहे.