प्रभागरचनेनुसार प्रारूप यादीत दुरुस्ती करा

राजुरा : राज्यातील काही नगर परिषदेच्या निवडणूक येत्या काळात होणार असून यासाठी प्रशासनाने प्रभागरचना आखून मतदार यादी तयार केली आहे. परंतु राजुरा नगर परिषदेतील वॉर्ड क्रमांक दोन ची प्रभागरचना तयार केली त्यानुसार मतदार यादी नसल्याचा आक्षेप अर्ज भाजपाचे चंद्रपूर जिल्हा ओबीसी महामंत्री संदीप पारखी यांनी मुख्याधिकारी नगर परिषद राजुरा यांच्याकडे केला आहे.

जिल्ह्यातील काही नगर परिषदेच्या निवडणूक येत्या काही दिवसात होत असून यात राजुरा नगर परिषदेचा समावेश असून तशी प्रशासनाने सुरू केली आहे. काही दिवसा अगोदर राजुरा नगर परिषद सभागृहामध्ये प्रभागरचना करण्यात आली. मात्र ज्याप्रमाणे प्रभाग रचना करण्यात आली त्यानुसार प्रारूप मतदार यादी तयार करण्यात आली नसून यात वॉर्ड क्रमांक दोन मध्ये अंदाजे आंबेडकर वॉर्डातील एकशे पन्नास मतदार, बामनवाडा ग्रामीणचे वीस मतदार, रमाबाई नगरचे तीस मतदार, बामणी ग्रामीणचे दोन मतदार, साईनगर वार्डातील बावन मतदारांचा समावेश आहे. आखण्यात आलेल्या प्रभागानुसार यादी तयार करण्याची मागणी भाजपाचे चंद्रपूर जिल्हा महामंत्री संदीप पारखी यांनी नगर परिषद राजुरा येथे आक्षेप अर्ज मुख्याधिकारी यांच्याकडे दिला आहे.