घुग्घुस:– भारतीय जनता पार्टी घुग्घुस शहराच्या वतीने आ. सुधीरभाऊ मुनगंटीवार सेवा केंद्रात जनसंघाचे संस्थापक, थोर नेते डॉ. श्यामाप्रसाद मुखर्जी यांच्या बलिदान दिनानिमित्त त्यांच्या प्रतिमेला भाजपा जिल्हाध्यक्ष देवराव भोंगळे यांच्या हस्ते माल्यार्पण करून अभिवादन करण्यात आले.
यावेळी देवराव भोंगळे म्हणाले, जनसंघाचे संस्थापक प्रमुख डॉ. श्यामाप्रसाद मूखर्जी यांनी कश्मीर ते कन्याकुमारीपर्यंत भारत एकसंघ आहे आणि कश्मीर हे भारताचे महत्वपूर्ण अंग आहे. त्यामुळे एक देश में दो प्रधान, दो विधान और दो निशान नहीं चलेंगे असा नारा दिला. कश्मीर ते कन्याकुमारीपर्यंत एकसंघ भारताचे स्वप्न पाहून ते पुर्ण करण्‍यासाठी त्यांनी शेवटच्या श्वासापर्यंत कष्ट घेतले.डॉ. मुखर्जींनी जे स्वप्न पाहिलं होतं, त्या स्वप्नपूर्तीसाठी देशाचे कणखर पंतप्रधान नरेंद्रजी मोदी यांनी अन्यायकारक ३७० कलम खारीज करून कश्मीरला संपुर्ण राज्याचा दर्जा दिला. आणि डॉ. श्यामाप्रसाद मुखर्जींच्या स्वप्नाला सत्यात उतरविण्याचे काम केले.
पुढे बोलताना, केवळ ५३ वर्ष आयुष्यं लाभलेल्या डॉ. श्यामाप्रसाद मुखर्जींसारख्या दूरदृष्टी असलेल्या नेतृत्वामुळेचं आज भारत जागतिक महासत्तेच्या दिशेने योग्य मार्गक्रमण करत आहे. निस्सीम देशभक्त डॉ. श्यामाप्रसादजींचा विचार तळागाळापर्यंत पोहोचविण्यासाठी तसेच त्यांच्या कार्यस्मृतींना उजाळा देण्याच्या उद्देशाने जिल्हा भारतीय जनता पार्टीच्या वतीने आज जिल्ह्यात अनेक बूथवर विविध कार्यक्रम संपन्न होत आहेत. अशी माहिती सुद्धा त्यांनी दिली.
याप्रसंगी, भाजयुमोचे प्रदेश उपाध्यक्ष विवेक बोढे, माजी पं. स. सभापती निरिक्षण तांड्रा, संजय तिवारी, माजी सरपंच संतोष नुने, राजेश मोरपाका, श्याम आगदारी, सुरेंद्र जोगी, रत्नेश सिंग, राजू डाकुर, विनोद जंजर्ला, चंदू पलावाला, अरुण रामेल, विनोद नीचकोला, राजू बोड्ड ,सुनंदा लीहितकर, निशा उरकुडे, लता आवारी, शीतल कामतवार, स्वाती गंगाधारे, भारती पर्ते, खुशबू मेश्राम, नेहा कुम्मरवार यांचेसह आदी मंडळी उपस्थित होते.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
