चंद्रपूर :- कत्तुत्वान महिला आणि तिचा वसा समोर नेणार कार्यश्रम मुलगा हे नात खूप महत्वाच आहे. अम्माने शुन्यातुन विश्व निर्माण केल. तेच विचार आणि संस्कार घेऊन किशोर जोरगेवार यांनी सुरु केलेला अम्माचा टिफिन हा उपक्रम अप्रतिम आहे. हे काम पाहुन अम्माच्या भेटीला आलेली मी आज त्यांच्या प्रेमात पडली अशा शब्दात खासदार सुप्रिया सुळे यांनी अम्माचे आणि पर्यायाने अम्माचा टिफिन या उपक्रमाचे तोंड भरुन कौतुक केले आहे.
आज सोमवारी चंद्रपूर दौऱ्यावर असलेल्या खासदार सुप्रिया सुळे यांनी आमदार किशोर जोरगेवार यांच्या मातोश्री अम्मा म्हणजेच गंगुबाई जोरगेवार यांची त्यांच्या राजमाता या निवासस्थानी भेट घेतली. यावेळी गोंदिया जिल्ह्यातील अर्जुनीचे आमदार मनोहर चंद्रिकापूरे, माजी केद्रींय मंत्री सुबोध मोहिते, राष्ट्रवादी कॉंग्रेसच्या प्रदेश उपाध्यक्ष वर्षा शामकुळे, राष्ट्रवादीचे कॉंग्रेसचे माजी आमदार प्रकाश गजभिये, राष्ट्रवादी कॉंग्रेसचे ग्रामीण चंद्रपूर जिल्हाध्यक्ष राजेंद्र वैद्य, शहर जिल्हाध्यक्ष राजिव कक्कड, राष्ट्रवादी युवक कॉंग्रेसचे अध्यक्ष नितिन भटाळकर, माजी नगर सेवक बलराम डोडाणी, अजय जयस्वाल आदिंची उपस्थिती होती.
कोणीही गरजु उपाशी झोपता कामा नये या अम्मांच्या शब्दांना पुर्ण करण्याच्या हेतुने आमदार किशोर जोरगेवार यांच्या संकल्पनेतुन चंद्रपूरात अम्माचा टिफिन हा उपक्रम सुरु करण्यात आला आहे. या उपक्रमांतर्गत अत्यंत गरजुंना दररोज जेवणाचा डब्बा घरपोच पोहचविला जात आहे. दरम्यान आज खासदार सुप्रिया सुळे यांनी आमदार किशोर जोरगेवार यांच्या निवासस्थानी पोहचत अम्माची भेट घेतली. यावेळी सुप्रिया सुळे यांनी अम्माचा डिफिन या उपक्रमाची माहिती जाणून घेत कौतुक केले. यावेळी सुप्रिया सुळे यांनी अम्माच्या प्रकृतीचीही विचारपूस केली. अम्माने कष्टाने शुन्यातुन उभारलेले हे विश्व मोठे आहे. ते पुर्ण ताकदीने समोर नेण्याचे काम त्यांचा मुलगा आमदार किशोर जोरगेवार करत आहेत. राजकारणा पलीकडेही नाते असतात ते जोपसण्याची गरज असुन आजची ही भेट राजकीय नसुन मनापासून नाते जोपासण्यासाठी आज मी अम्मा आणि आमदार किशोर जोरगेवार यांच्या परिवाराच्या भेटीला आली असल्याचेही त्या यावेळी म्हणाल्या. यावेळी सुप्रिया सुळे यांनी मुंबई येथील सिल्व्हर ओक या निवासस्थानी येण्याचे निमंत्रणही अम्माला दिले. या प्रसंगी आमदार किशोर जोरगेवार यांच्या संपुर्ण परिवारास यंग चांदा ब्रिगेडच्या प्रमुख पदाधिकाऱ्यांची उपस्थिती होती.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
