भद्रावती :- टायगर ग्रुप, पाटाळा शाखेचे उद्घाटन प्रसंगी छत्रपती शिवाजी महाराजांचे विचार व कार्य आजही समाजाला व देशाला प्रेरणादायी असल्याचे प्रतिपादन कार्यक्रमाचे उद्घाटक डॉ. अंकुश आगलावे, विदर्भ प्रदेश अध्यक्ष केंद्रीय मानवाधिकार संगठन यांनी केले.
टायगर ग्रुप पाटाळा शाखेचे नुकतेच उद्घाटन समारंभ 30 मे ला ग्रामपंचायत पाटाळा समोर ,ग्रामविकास शाळेच्या खुल्या पटांगणावर पार पडले. या कार्यक्रमाचे उद्घाटक डॉ. अंकुश आगलावे व अनिल जाधव, अध्यक्ष टायगर ग्रुप चंद्रपूर हे होते.
डॉ. आगलावे यांनी मंचावरून टायगर ग्रुप व मित्रपरिवारांना संबोधित करतांना छत्रपती शिवाजी महाराजाचे विचार आत्मसात करून सामाजिक कार्य केले पाहिजे तसेच महाराजांचे कार्य व गुण आत्मसात करण्यास सांगितले. टायगर ग्रुप पाटाळा च्या माध्यमातून भविष्यात गोरगरीबांची सेवा घडण्याचे कार्य होणार आहे. वरोरा तालुक्यात गरजुंना मदत करण्याची भावना ग्रुपच्या माध्यमातुन रूजवून सामाजिक कार्य घडणार आहे.
या कार्यक्रमाचे अध्यक्ष आकाश ठावरी व प्रमुख वक्ते रिषभ रिठ्ठे यांनी मोलाचे मार्गदर्शन केले. कार्यक्रमाला प्रमुख पाहुणे म्हणून विनीत घागे ठाणेदार माजरी पोलीस स्टेशन , सलिम पठान टायगर ग्रुप चंद्रपूर जिल्हा, मारोती नामे टायगर ग्रुप वरोरा शहर, बाला चांभारे टायगर ग्रुप तालुका वरोरा, विजय वानखेडे सरपंच ग्रा.पं. पाटाळा, विद्याताई आवारी उपसरपंच ग्रा.पं. पाटाळा, संदीप एकरे ग्रा.पं. सदस्य पाटाळा, शिल्पाताई भोस्कर सदस्य ग्रा.पं. पाटाळा उपस्थित होते.
कार्यक्रमाला यशस्वी करण्याकरीता टायगर ग्रुपचे सदस्यांनी अथक परिश्रम घेतले. यावेळी पाटाळा गावांतील ज्येष्ठ नागरीक, युवावर्ग मोठया संख्येने उपस्थित होते .युवक मोठया संख्येने उपस्थित होते.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
