गडचांदूर: कोरपना तालुक्यातील बिबी येथील प्रसिद्ध समाजसेवक डॉ. गिरीधर काळे यांच्या वाढदिवसानिमित्त १ जून रोजी कवठाळा येथे रक्तदान शिबिराचे आयोजन करण्यात आले होते. या शिबिरात परिसरातील ५९ युवकांनी रक्तदान करून समाजसेवक डॉ. काळे यांच्या लोकसेवेला सलाम केला. यावेळी नुकतीच नायब तहसीलदार पदी निवड झालेल्या गिरीश उर्फ प्रतिक बोरडे यांचा सत्कार करण्यात आला. तालुका आरोग्य विभाग व डॉ. काळे मित्रमंडळ यांच्या संयुक्त विद्यमाने हे शिबिर आयोजित केले होते.
कार्यक्रमाला अध्यक्ष म्हणून माजी आमदार ॲड. वामनराव चटप, उद्घाटक म्हणुन तालुका आरोग्य अधिकारी डॉ. स्वप्नील टेंभे, सत्कारमूर्ती डॉ. गिरिधर काळे व सौ. सविताताई काळे यांची उपस्थिती होती. विशेष अतिथी म्हणून पंचायत समितीचे माजी उपसभापती मदन सातपुते, वैद्यकीय अधिकारी डॉ. बावणे, डॉ. रवींद्र हेपट, डॉ. अरविंद ठाकरे, पुरुषोत्तम निब्रड, अविनाश पोईनकर, शैलेश विरुटकर आदी उपस्थित होते.
समाजसेवक डॉ. काळे मागील ३७ वर्षापासून मानवी शरिरातील तुटलेल्या, लचकलेल्या अस्थिरुग्णांवर निःशुल्क सेवा करत आहे. पाच लाखाहून अधिक रुग्णांवर त्यांनी उपचार करून बरे केले आहे. त्यांच्या कार्याला सलाम म्हणून गेल्या ५ वर्षापासून वाढदिवसानिमित्त रक्तदान करण्यात येते.
प्रास्ताविक आरोग्य अधिकारी डॉ. स्वप्नील टेंभे यांनी तर संचालन दीपक चटप यांनी केले. कार्यक्रमाच्या यशस्वितेसाठी सरपंच नरेश सातपुते, निशिकांत डोहे, देवेंद्र हेपट, दालमिया भारत फाऊंडेशनचे लक्ष्मण कुळमेथे, द्वारकेश ठाकरे, आशा वर्कर्स आदींनी सहकार्य केले.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
