भामरागड येथील अति जलद प्रतिसाद पथकाकडून वाहनांची कसून तपासणी

भामरागड:-भामरागड तालुक्यात एकूण १२८ गावे असून शासकीय कामांसाठी नागरिकांना तालुका मुख्यालयात यावे लागते तसेच दर बुधवारी होणाऱ्या साप्ताहिक बाजारामुळे तालुक्यातील मोठ्या संख्येने नागरिक येथील बाजारपेठेत येतात.बाजाराच्या दिवशी वाहतूक व्यवस्थेवर विपरीत परिणाम होऊ नये आणि कोणतीही अप्रिय घटना घडू नये यासाठी भामरागडच्या मुख्य बाजारपेठेत नाकाबंदी करून गावात प्रवेश करणाऱ्या आणि बाहेर जाणाऱ्या वाहनांची कसून तपासणी करण्यात आली.
तपासणी दरम्यान दुचाकीस्वारांना सध्या उष्णतेची लाट उसळली असल्याने वाहन चालवितांना काळजी घेण्याबत मार्गदर्शन करण्यात आले तसेच हेल्मेट सक्तीने वापरण्याच्या सूचना देण्यात आल्या.वाहन चालकांचे वाहन परवाने तपासण्यात आले ज्यांच्याकडे वैध वाहन परवाने नव्हते किंवा जे अवैध वाहतूक करताना आढळले त्यांच्यावर दंडात्मक कारवाई करण्यात आली.चारचाकी वाहनांची देखील सखोल तपासणी करण्यात आली.
नाकाबंदी दरम्यान तब्बल सहा वर्षे सी-६० पथकात कामगिरी बजावून नुकतेच अतिजलद प्रतिसाद पथक भामरागड येथे सहाय्यक पोलीस निरीक्षक या पदावर रुजू झालेले सतीश पाटील हे उपस्थित होते तसेच अतिजलद प्रतिसाद पथकाचे कमांडर योगेंद्र सडमेक आणि त्यांची टीमचा देखील यात सहभाग होता