बाभुळसर बु विविध कार्यकारी सेवा सहकारी संस्थेच्या चेअरमनपदी संतोष नागवडे व उपाध्यक्षपदी मच्छिंद्र राऊत यांची बिनविरोध निवड
शिरूर प्रतिनिधी – अल्लाउद्दीन अलवी,
बाभुळसर बु, ता. शिरूर, जि. पुणे – बाभुळसर बु विविध कार्यकारी सेवा सहकारी संस्थेच्या चेअरमनपदी संतोष नागवडे आणि उपाध्यक्षपदी मच्छिंद्र राऊत यांची बिनविरोध निवड झाली आहे.
संस्थेचे माजी चेअरमन भरत नारायण नागवडे आणि व्हॉइस चेअरमन नंदा रामदास नागवडे यांनी दुसऱ्यांना संधी मिळावी या हेतूने पदाचा राजीनामा दिला होता. त्यानंतर संस्थेच्या अधिनियमानुसार नव्या चेअरमन व उपाध्यक्ष पदासाठी निवड प्रक्रिया राबविण्यात आली.
संस्थेचे अध्यक्ष भरत नारायण नागवडे यांच्या अध्यक्षतेखाली, निवडणूक निर्णय अधिकारी पी. व्ही. हराळसाहेब यांच्या मार्गदर्शनाखाली निवडणूक प्रक्रिया पार पडली. चेअरमन व व्हॉइस चेअरमन पदासाठी प्रत्येकी एकच अर्ज आल्याने नियमानुसार संतोष नागवडे यांची चेअरमनपदी आणि मच्छिंद्र राऊत यांची व्हॉइस चेअरमनपदी निवड करण्यात आली.
या निवडीनंतर संस्थेच्या प्रांगणात एक विशेष स्नेहसंमेलन आयोजित करण्यात आले होते. यावेळी आदिनाथ वैष्णव (आळंदी-पंढरपूर योगपीठ उपाध्यक्ष), रामचंद्र नागवडे, चेअरमन भरत नागवडे, व्हॉइस चेअरमन नंदाताई नागवडे, माजी चेअरमन विलास बापू नागवडे, तंटामुक्ती अध्यक्ष अरुण नागवडे, शिरूर तालुका राष्ट्रवादी काँग्रेस सरचिटणीस जयवंत नागवडे, माजी चेअरमन अंकुश नागवडे, रामभाऊ नागवडे, सरपंच महेंद्र नागवडे, फत्तेसिंह नागवडे, रामदास नागवडे, भाऊसाहेब थोरात, नवेशराव गवळी, दिलीप नागवडे (अध्यक्ष, वारकरी सेवा संघ), ज्ञानदेव शितोळे, राजेंद्र नागवडे, संचालक शरद नागवडे, अंकुश मचाले, सचिन नागवडे, विलास नागवडे, विलास गवळी, बबन नागवडे, महादेव नागवडे, अभिजीत टेकवडे, दशरथ राऊत, लक्ष्मण रणदिवे आदी मान्यवर उपस्थित होते.
कार्यक्रमाचे सूत्रसंचालन संस्थेचे सचिव संजय नागवडे यांनी केले, तर आभारप्रदर्शन अरुण नागवडे यांनी मानले.
