मूल – बल्लारपूर विधानसभा मतदारसंघातील महायुतीचे उमेदवार डॉ.सुधीर मुनगंटीवार यांच्या प्रचारासाठी मूल शहरात भव्य बाईक रॅलीचे आयोजन करण्यात आले आहे. ही रॅली इको पार्क येथून सकाळी ११ वाजता सुरू होणार असून, शहरातील विविध मार्गांनी मार्गक्रमण करेल. रॅलीत हजारोंच्या संख्येने तरुण कार्यकर्त्यांच्या सहभागाची अपेक्षा व्यक्त करण्यात आली आहे, ज्यामुळे शहरात एक नवा उत्साह आणि जल्लोषाचे वातावरण निर्माण होणार आहे.
ना.सुधीर मुनगंटीवार यांच्या विकासोन्मुख कार्यप्रवणतेमुळे आणि नेतृत्वशैलीमुळे तरुणांमध्ये त्यांची विशेष लोकप्रियता आहे. मतदारसंघाच्या सर्वांगीण प्रगतीसाठी त्यांनी केलेल्या कार्याचा आढावा या रॅलीतून घेतला जाणार आहे. या रॅलीत मोठ्या संख्येने सहभागी होऊन डॉ. मुनगंटीवार यांना पाठिंबा देण्याचे आवाहन आयोजकांनी कार्यकर्त्यांना केले आहे.
