वरोरा : येथील खांजी वार्ड अंबादेवी मंदिरासमोर. दिनांक 3 सप्टेंबर रोजी मंगळवारी राजेंद्र बनसोड यांच्या सौजन्याने तान्ह्या पोळ्याचे भव्य आयोजन करण्यात आले. या कार्यक्रमात लहान मुलांच्या उत्साही सहभागामुळे परिसर आनंदमय वातावरणाने भरून गेला. तान्ह्या पोळ्याच्या निमित्ताने अनेकांनी आपले नांदीबैल सजवून कार्यक्रमात भाग घेतला.
सदर कार्यक्रमात खासदार प्रतिभा धानोरकर यांच्या हस्ते शालेय विद्यार्थ्यांना चित्रकला वही, रंगीत कांड्या, पेन्सिल व इतर शालेय साहित्य वाटप करून सन्मानित करण्यात आले. या उपक्रमामुळे विद्यार्थ्यांमध्ये शिक्षणाबद्दलची आवड निर्माण होण्यास मदत होणार आहे. प्रतिभा धानोरकर यांनी आपल्या भाषणात शिक्षणाचे महत्त्व स्पष्ट करत मुलांना नियमित शिक्षण घेण्याचे आवाहन केले.
या कार्यक्रमाला स्थानिक नागरिकांचा मोठा प्रतिसाद लाभला. शालेय विद्यार्थ्यांसह त्यांच्या पालकांनी या उपक्रमाचे कौतुक केले. कार्यक्रमाच्या यशस्वीतेसाठी राजेंद्र बनसोड आणि त्यांचे सहकारी जयंत आडकिने, नौशाद शेख, संदीप अडकिने, अजय लेदे, आकाश मेश्राम, महेश विधाते, रोहन केराम, आणि आकाश देहारे यांनी विशेष प्रयत्न केले.
तान्ह्या पोळा हा पारंपारिक सण असला तरी यामधून समाजप्रबोधनाचा संदेश दिला गेला. विद्यार्थ्यांना शालेय साहित्याचे वितरण करून त्यांच्या शिक्षणाच्या प्रगतीसाठी प्रोत्साहन देण्यात आले.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
