अहेरी:सवतंत्र्याच्या ७७ वर्षांनंतरही दुर्गम भागात मुख्य रस्ते नदी नाल्यावर पूल नसल्याने आदिवासी बांधवांना अनेक अडचणींचा सामना करावा लागत आहे.अशीच काही परिस्थिती एटापल्ली तालुक्यातील कसनसूर परिसरात असल्याने येथील पोलिसांनी गावकऱ्यांच्या मदतीने चक्क रस्ताच तयार केला.यामुळे या भागातील नागरिकांची मोठी अडचण दूर झाली आहे.
एटापल्ली तालुक्यातील कसनसूर पोलीस मदत केंद्रात जवळपास ३२ गावांचा समावेश आहे.त्यात बरेच अतिसंवेदनशील गावांचा समावेश आहे.कसनसूर ते कोटमी दरम्यान असलेला रस्ता पावसाळ्यात वाहून गेला.बरेच ठिकाणी खड्ड्यांचा साम्राज्य निर्माण झाला होता.त्यामुळे या भागातील घोटसुर,वेनासुर,पुनूर, भूमकाम,जवेली, कोताकोंडा, मानेवारा,,गुडराम,गुंडम,सेवारी,मसरामगुडा, परपणगुडा,कोथरी, चोखेवाडा, वांगेझरी आदी गावातील नागरिकांना आठवडी बाजार, रुग्णांवरील उपचार,शेतीसाठी अवजारे,खते,जीवनावश्यक वस्तू,किराणा सामान घ्यायला कसनसूर आल्याशिवाय पर्याय नाही.
या मार्गावर चारचाकी तर सोडा दुचाकीने प्रवास करणे देखील कठीण झाले होते.नागरिकांची अडचण लक्षात घेता उपविभागीय पोलीस अधिकारी चैतन्य कदम यांच्या मार्गदर्शनात येथील प्रभारी अधिकारी धिरसिंग वसावे यांनी गावकऱ्यांच्या मदतीने तब्बल ११ किलोमीटर अंतराचा रस्ता आणि काही ठिकाणचे खड्डे बुजविल्याने या भागातील नागरिकांना मोठा दिलासा दिला आहे.
यासाठी कसनसूर उप पोलीस स्टेशनचे अधिकारी,कर्मचारी, सीआरपीएफ,एसआरपीएफचे अधिकारी,कर्मचारी,कोतवाल प्रवीण मुनरत्ती,मसरामगुडाचे गाव पाटील रसीनाथ गावडे,येशु मट्टामी तसेच परिसरातील तरुणांनी श्रमदान केले.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
