मुलचेरा: येथील तहसील कार्यालयाच्या सभागृहात सोमवारी कृषी तंत्रज्ञान व्यवस्थापन यंत्रणा (आत्मा),गडचिरोली अंतर्गत रान भाजी महोत्सव आयोजित करण्यात आला होता. महोत्सवाचे उद्घाटन येथील प्रभारी तहसीलदार उमेश उसेंडी यांनी केले. अध्यक्षस्थानी जि प चे माजी बांधकाम सभापती युधिष्टिर बिश्वास होते.तर प्रमुख अतिथी म्हणून पंचायत समितीचे माजी सभापती सुवर्णा येमुलवार,तालुका कृषी अधिकारी विकास पाटील,ठाणेदार महेश विधाते, पंचायत समितीचे कृषी विस्तार अधिकारी पी यु किलनाके,मंडळ कृषी अधिकारी एस एच सुतार आदी मान्यवर उपस्थित होते.
या रान भाजी महोत्सवात शेतकरी गट,शेतकरी,कृषी मित्र आणि बचत गटाच्या महिलांनी विविध रानभाज्यांचे स्टॉल लावले होते.या महोत्सवात रानभाज्या व रानभाजी पाककृती स्पर्धा घेण्यात आले.त्यामुळे बरेच बचत गटांनी यात सहभाग झाले. त्यातील तीन विजेत्या गटांना पुरस्कार व सर्वांना प्रशस्तीपत्र देण्यात येणार आहे.
रानभाज्या व रानभाजी पाककृतीचे परीक्षण प्रभारी तहसीलदार उमेश उसेंडी, पोलीस निरीक्षक महेश विधाते आणि माजी पंचायत समिती सभापती सुवर्णा येमुलवार यांनी प्रत्येक स्टॅल भेट देऊन,पाहणी आणि विविध माहिती घेऊन केले.तत्पूर्वी मान्यवरांनी रानभाज्या आपल्या शरीरासाठी किती महत्वाचे याबद्दल मोलाचे मार्गदर्शन केले. कार्यक्रमाचे प्रास्ताविक मंडळ कृषी अधिकारी एस एच सुतार यांनी केले तर कार्यक्रमाचे सूत्रसंचालन तालुका तंत्रज्ञान व्यवस्थापक आकाश लवटे यांनी केले.
जिल्हा कृषी अधक्षक,अधिकाऱ्यांनी दिली भेट
सोमवारी 12 ऑगस्ट रोजी तहसील कार्यालयाच्या सभागृहात घेण्यात आलेल्या रानभाजी महोत्सवाला जिल्हा कृषी अधीक्षक अधिकारी भस्वराज मास्तोळी यांनी अचानक भेट देऊन पाहणी केली. एवढेच नव्हे तर मुलचेरा तालुक्यातील विविध रान भाज्यांची व पाककृतीचे आस्वाद देखील घेतले.